පාකිස්තාන ආර්ථිකයේ පවතින දැඩි අර්බුදකාරී තත්ත්වය හේතුවෙන් ද්රවශීලතා ගැටලුව තවදුරටත් පවතිනු ඇති බව එරට හිටපු මුදල් අමාත්ය මිෆ්තා ඉස්මයිල් පවසා තිබේ.
පවතින දැඩි විදේශ විනිමය හිඟය හේතුවෙන් පාකිස්ථානය විසින් ජාත්යන්තර මූල්ය අරමුදලෙන් ඇමරිකානු ඩොලර් බිලියන ඒකයි දශම එකක සහනක්ද ඉල්ලා ඇති අතර ඒමගින් පාකිස්ථානය බංකොලොත් තත්ත්වයට පත්වීම වලක්වා ගැනීමටද අපෙක්ෂිතය.
ට්විටර් පණිවුඩයක් නිකුත් කරමින් ඉස්මයිල් ප්රකාශ කළේ, “තව ටික කාලයකට දේවල් අසීරු වනු ඇත, නමුත් අපට ඉඩක් ලැබෙන බැවින් අපට ප්රමාණවත් ණය ලබා ගත හැකියාව පවතිනවා. නමුත් අනාගතය සඳහා අපට තවත් අපනයනය කිරීමට ක්රමයක් සොයාගත යුතුයි″ යනුවෙන් ඔහු එහිදී පැවසීය.
″අපි අයි. එම්. එෆ් හි වාරිකය ලබා ගැනීමට හැකි වුවත් ආර්ථික අභියෝග කළමනාකරණය කිරීමට ඩොලර් බිලියන 1.1 ප්රමාණවත් වේද කියන කාරණය ගැටුලවක්? ඊට අමතරව, අයි.එම්.එෆ් අනුමැතිය බලාපොරොත්තුවෙන් සිටින ද්විපාර්ශ්වික පරිත්යාගශීලීන්ගෙන් අපි තවත් මුදලක් එකතු කළත්, බාහිර ගෙවීම් හේතුවෙන් අපගේ සංචිත තවමත් අඩු වනු ඇත, එවිට විසඳුම කුමක්ද?″ යනුවෙන්ද ඔහු විමසා සිටියේ.
ඩොලර් හිඟය සහ උද්ධමනය වේගවත් වීම මධ්යයේ පකිස්ථානය අර්බුදයට ගැඹුරට ඇදෙමින් පවතින බව එරට මාධ්ය වාර්තා කරයි. බදු සහ ගෑස් මිල වැඩි කිරීම ඇතුළු දැඩි පියවර ගැනීමට රට කැමැත්තෙන් සිටින බව පකිස්ථාන විදේශ අමාත්යාංශය ජාත්යන්තර මූල්ය අරමුදල වෙත ඒත්තු ගැන්වීමට කටයුතු කරන බවටද වාර්තා වේ.
