සිඩ්නි ජාත්යාන්තර ක්රීඩාංගනයේ දී පැවති ඔස්ට්රේලියා ශ්රී ලංකා පළමු විස්සයි 20 තරගයෙන් ශ්රී ලංකාව පරදා ලකුණු 20ක ජයක් ලබා ගැනීමට ඔස්ට්රේලියානු කණ්ඩායම මීට ස්වල්ප වෙලාවකට පෙර සමත් වූයේය.
කාසියේ වාසිය දිනාගත් ශ්රී ලංකා කණ්ඩායමේ ඇරයුමෙන් මුලින්ම පන්දුවට පහරදුන් ඔස්ට්රේලියානුවෝ කඩුළු 9ක් දැවී ලකුණු 149ක් ලබා ගත්හ. තරගය මැද දී ඇතිවූ අයහපත් කාලගුණ තත්වය හේතුවෙන් ශ්රී ලංකාවේ ජයග්රාහී ඉලක්කය පන්දු ඕවර 19 ක දී ලකුණු 143ක් දක්වා ලඝු විය. ශ්රී ලංකාවට පන්දු ඕවර 19 තුළදී ලබා ගත හැකි වූයේ කඩුලු 08ක් දැවී ලකුණු 122ක් පමණි.
හඹායෑම ආරම්භ කළ ශ්රී ලංකා ඉනිම සුන් කර දැමීමට ඔස්ට්රේලියානු පන්දු යවන්නෝ කටයුතු කළහ. අති විශිෂ්ට පන්දු යැවීමක නිරත වූ ජොෂ් හසිවුඩ් පන්දු ඕවර හතර තුළ ලකුණු 12ක් පමණක් දී ශ්රී ලංකා කඩුළු 04ක් බිඳ හෙළුවේය. ඇඩම් සම්පාත් වාර්තාගත පන්දු යැවීමක නිරත විය. ඔහු පන්දු ඕවර හතර තුළ ලකුණු 18ක් පමණක් දී කඩුලු 03ක් ලබා ගත්තේය. පැට් කුමින්ස් ලකුණු 32ට කඩුල්ලක් දවා ගනු ලැබුවේය.
ශ්රී ලංකාව වෙනුවෙන් වැඩිම ලකුණු ලාභියා වූයේ ආරම්භක පිතිකරු පැතුම් නිශ්ශංකය. ඔහු පන්දු 37ක දී ලකුණු 36ක් ලබා ගත්තේය. අයාලේ ගොස් ලැබූ දඬුවම නිමා කර තරගය ආරම්භ කළ දනුෂ්ක ගුණතිලකට ලබා ගත හැකි වූයේ එක් ලකුණක් පමණි.
දිනේෂ් චන්දිමාල් නොදැවී ලකුණු 25ක් චරිත් අසලංක ලකුණු 16ක් ලබා ගත්තේය.ෙ
ඔස්ට්රේලියා වෙනුවෙන් පිතිකරණය ආරම්භ කිරීමට පැමිණි බෙන් මැක්ඩමොර්ට් විශිෂ්ට ඉනිමක් ක්රීඩා කරමින් පන්දු 41ක දී ලකුණු 53ක් රැස් කළේය. ඊට හතරේ පහර දෙකක් හා හයේ පහර තුනක් ඇතුළත් විය.
මාර්කස් ස්ටොන්ක් පන්දු 17ක දී වේගවත් ලකුණු 30ක් වාර්තා කළේය. ඊට හතරෙ පහර දෙකක් සහ හයේ පහර 2ක් ඇතුළත් විය. ජොෂ් ඉන්ග්ලිස් පන්දු 18ක දී ලකුණු 23ක් ලබා ගත්තේය.
පන්දු යැවිමේ දී ආකරශනීයම පන්දු යැවීම බිනුර ප්රනාන්දුගෙන් සහ වනිඳු හසරංග ගෙන් ප්රදර්ශනය විය. බිනුර පන්දු ඕවර 04 යවමින් ලබා දුන් ලකුණු සංඛ්යාව 12කි. ඔහු කඩුලු දෙකක් ලබා ගත්තේය. වනිඳු හසරංග පන්දු ඕවර 04ක් යවා ලකුණු 38ට කඩුලු 03ක් බිඳහෙළුවේය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
සිය පන්දු ඕවර 04 යැවූ දුෂ්මන්ත චමීර ලකුණු 38 කඩුලු 2ක ද චාමික කරුණාරත්න ලකුණු 22ට කඩුලු 2ක් ද ලබා ගත්තේය.
