පාකිස්ථානයේ පහත වැටෙන ආර්ථික තත්ත්වය, උද්ධමනය, අවිනිශ්චිත ප්රතිපත්ති පරිසරය හා වාෂ්පශීලී බැංකු අනුපාත ව්යාපාරික පන්තිය මානසික අවපීඩනයට පත් කර ඇති අතර ආර්ථිකය පිළිබඳ විශ්වාසය නැති කර දමන බව ‘ෆෙඩෙරිකො ගියුලියානි’ ඉන්සයිඩ් ඕවර් හි ලියා ඇත.
විදේශීය ආයෝජකයින්ගේ වාණිජ හා කර්මාන්ත මණ්ඩල ඒකකය (OICCI), පාකිස්ථානයේ කර්මාන්ත හා ආර්ථිකය කෙරෙහි ව්යාපාරිකයින් තබා ඇති විශ්වාසය පිළිබඳ වාර්තාවකින් හෙලිදරව් කරන ලදී.
එම සමීක්ෂණ වාර්තාව අනුව, මාස හයක කාලයක් තුළ දී පාකිස්ථාන ආර්ථිකය සියයට 25ක පහත වැටීමක් පෙන්නුම් කරන්නේ පාකිස්ථාන කර්මාන්තයන් කෙරෙහි විශ්වාසය හීන වෙමින් පවතින වේගයයි.
‘ඉන්සයිඩ් ඕවර්’ ට අනුව, සමීක්ෂණයේදී හඳුනාගත් ව්යාපාර වර්ධනයට ඇති ප්රධාන තර්ජන තුන වූයේ ඉහළ උද්ධමනය (ප්රතිචාර දැක්වූවන්ගෙන් සියයට 82), ඉහළ බදුකරණය (සියයට 74) සහ පාකිස්තාන රුපියල අවප්රමාණය වීම (සියයට 72) ය.
දත්ත දෙස බලන විට OICCI හි සභාපති අමීර් පරචා පැවසුවේ පසුගිය වසර තුළ අස්ථාවර සහ අතිශය අභියෝගාත්මක ආර්ථික තත්ත්වය සලකා බැලීමෙන් පසු සමස්ත ව්යාපාරික විශ්වාසය පහත වැටීම පුදුමයක් නොවන බවයි.
“බොහෝ ව්යාපාරවල ආනයන සහ මෙහෙයුම් වලට බලපා ඇත්තේ, උග්ර විදේශ විනිමය හිඟය, අධි උද්ධමනය, ඉතා ඉහළ පොලී අනුපාත සහ ව්යාපාරික පරිසරයට අහිතකර ලෙස බලපාන මුදල්වල වේගවත් අවප්රමාණය යි..” ඔහු වැඩිදුරටත් පවසා තිබේ.
