වැඩි කළ විදුලි බිලට විරෝධය පළ කරමින් අද සවස් යාමයේ වෙහෙර විහාර ඇතුළු ආගමික ස්ථාන අඳුරේ තැබීමට ගෙන තිබූ තීරණය අත්හිටවූ බව පූජ්ය ආචාර්ය ඕමල්පේ සෝභිත හිමියෝ පවසති. මේ තීරණය ගෙන ඇත්තේ විහාරස්ථාන සහ සෙසු ආගමික ස්ථානවල මාසික විදුලි බිල ඒකක 180 නොඉක්මවන තත්ත්වයක් තුළ පෙර පැවති ගාස්තු ක්රමය අනුගමනය කිරීමට සහ ඒකක 180 ඉක්මවන අවස්ථාවල පොදු කාර්ය ඝනය යටතේ අය කිරීම් සිදු කිරීමට තීරණය කළ බව මහජන උපයොගීතා කොමිෂන් සභාව විසින් ප්රකාශ කරනු ලැබීමෙන් පසුවය.
එම කොමිසමේ සභාපති ජනක රත්නායක මහතා මේ පිළිබඳව සඳහන් කළේ විදුලි ඒකක 180 ට අඩුවෙන් මාසිකව වැය කරන ආගමික ස්ථාන සඳහා පෙර පැවති විදුලිය ගාස්තු ක්රමයම අනුගමනය කරන ලෙසත් ඒකක 180 ඉක්මවන අවස්ථාලදී පොදු කාර්ය ඝනයට අනුව මෙම ඒකක සඳහා අයකිරීම් සිදු කරන ලෙස ලංකා විදුලි බල මණ්ඩලයට උපදෙස් දුන් බවය.
නව ක්රමවේදය යටතේ මෙම වෙහෙර විහාරස්ථානවල විචදුලි බිල සියයට 550කින් පමණ ඉහළ යන තත්ත්වයක් නිරීක්ණෂය කළ බවත් එය දරා ගැනීම අසීරු බව මේ වනවිට ප්රකාශ වී ඇති බවත් සඳහන් කල සභාපතිවරයා ඒ අනුව මෙම නව ක්මරය ඉදිරියට ක්රියාත්මක කිරීමට තීරණය කළ බව සඳහන් කළේය.
රටේ පවතින ආගමික ස්ථාන 48,000ක් අතරින් ස්ථාන 25,000ක් පමණ ඒකක 180ට වඩා අඩුවෙන් විදුලිය වැය කරන බවත් ස්ථාන 12,000ක් පමණ මෙම අගය ඉක්මවමින් විදුිය පරිබෝජනය කරන බවත් නිරීක්සණය වී ඇති බවද ජනක රත්නායක මහතා පුකාශ කළේය.
