ජනාධිපතිවරුන්ගේ වරප්රසාද පනත පාර්ලිමේන්තුව තුළ සම්මත කරගන්නේ කිසිම පුද්ගලයෙක් ඉලක්ක කරනොගෙන බව ද පනතක් පාර්ලිමේන්තුව තුළ සම්මත වී නීතියක් වූ පසු එම නීතියට අනුගතවීම පුරවැසියෙක් ලෙස කළ යුතු බව ද කැබිනට් මාධ්ය ප්රකාශක සෞඛ්ය සහ ජනමාධ්ය ඇමති වෛද්ය නලින්ද ජයතිස්ස පැවසුවේය.
ඔහු මේ බව ප්රකාශ කළේ මහින්ද රාජපක්ෂ හිටපු ජනාධිපතිවරයා විජේරාම නිවසින් ඉවත් කිරිම සිදුකරන්නේ කවදාදැයි මාධ්ය වේදියෙක් ඇසූ ප්රශ්නයකට පිළිතුරු දෙමිනි.
එහිදී කැබිනට් මාධ්ය ප්රකාශකවරයා මෙසේ පැවසුවේය.
“ මේක මහින්ද රාජපක්ෂ ඉවත් කරන ගෙනා සංශෝධනයක් නොවෙයි. දැනට ජීවත්වන සියලුම හිටපු ජනාධිපතිවරුන් ජනතා බදු මුදලින් ගෙවන අනවශ්ය වරප්රසාද අහෝසි කරන්න සිදුකරන්න ගත්තු තීරණයක්.”
“ අද ශ්රේෂ්ඨාධිකරණයේ තීන්දුව ලැබුණා. ඒ අනුව සරල බහුතයකින් පාර්ලිමේන්තුව තුළ පනත සම්මත කරගන්න පුලුවන්. හෙට මේ පනත විවාදයට ගැනෙනවා. මම හිතන්නෙ නෑ කිසිම විපක්ෂ මන්ත්රීවරයෙකුටවත් මේ පනතට පක්ෂව අත උස්සන්න පුලුවන් වේවි කියලා. මේ අත්සන යොදුවට පස්සේ පනත නීතියක් ලෙස ක්රියාත්මක වෙනවා.”
“රටේ විධායක ජනාධිපතිවරු හැටියට ව්යවස්ථාදායකයේ සෑහෙන කාලයක් කටයුතු කළ අය නීතිය අනුව ඒ අය කටයුතු කරයි කියලා අප දැඩිව විශ්වාස කරනවා. අප ඒ දෙස බලාගෙන ඉන්නවා…”
