පක්ෂය දැනුම්වත් නොකර කිසිම පිටස්තර රැස්වීමකට සහභාගී නොවන ලෙස පොදුජන පෙරමුණේ දිස්ත්රික් නායකයන්ගෙන් වෙත පොදු ජන පෙරමුණේ ජාතික සංවිධායක, හිටපු අමාත්ය බැසිල් රාජපක්ෂ විසින් දැනුම් දී ඇත
පක්ෂයේ විනය ආරක්ෂා කරගැනීමත් පක්ෂයේ ඉදිරි කටයුතු පක්ෂයට උවමනා ආකාරයට මෙහෙයවීමත් යන අරමුණු කෙරෙහි අවධානය යොමු කරමින් මෙම උපදෙස් ලබා දී තිබේ.
ජනාධිපති රනිල් වික්රමසිංහ විසින් පසුගිය දා ශ්රී ලංකා පොදු ජන පෙරමුණේ මන්ත්රීවරු කැඳවා තිබූ අතර ශ්රී ලංකා පොදු ජන පෙරමුනේ බොහෝ මන්ත්රී පිරිසක් ඊට සහභාගී නොවී වර්ජනය කර ඇත්තේ ද පක්ෂයෙන් ඒ සඳහා සහභාගීවන ලෙස දන්වා උපදෙස් නොලැබීම නිසා බව එහිදී අනාවරණය වී තිබිණි.
ශ්රී ලංකා පොදු ජන පෙරමුණේ දිස්ත්රික් නායකයින් හා බැසිල් රාජපක්ෂ අතර සාකච්ඡාව ඊයේ (15) සවස කොළඹ පක්ෂ කාර්යාලයේදී පැවැත්විනි.
එහිදී ආණ්ඩුවේ ඉදිරි වැඩපිළිවෙළ සහ පක්ෂයේ ඉදිරි වැඩපිළිවෙළ ගැන දීර්ඝ වශයෙන් සාකච්ඡා කර ඇත.
පක්ෂයේ විනය පවත්වාගෙන යමින් මීලඟ මැතිවරණයක් ජයග්රහණය කිරීම සඳහා සිය සංවිධාන ශක්තිය තව දුරටත් පුලුල් කර ගත යුතු බව මෙහිදී දිස්ත්රික් නායකයන් පෙන්වා දී ඇත.
තවද පළාත් පාලන මැතිවරණය ප්රථමයෙන් ලබා ගැනීමටත් ඒ කෙරෙහි අවධානය යොමු කිරීමටත් මන්ත්රීවරු පක්ෂ නායකත්වයේ අවධානය යොමු කරවා තිබේ..
