බහුතර සභික ධූර ගණනක් කණ්ඩායමක් වශයෙන් දිනාගත් කැබිතිගොල්ලෑව ප්රාදේශීය සභාවේ බලය ඒකාබද්ධ විපක්ෂය විසින් දිනාගෙන සමගි ජන බලවේගය වෙත ලබා දී තිබේ.
ඒ අද පැවැති සභාපතිවරයා තෝරාපත් කර ගැනීමේ ඡන්ද විමසීම පැවැත්වූ අවස්ථාවේදීය.
පලාත් පාලන මැතිවරණයේ දි ජාතික ජන බලවේගය සභික ධුර 7ක් හිමිකරගත් අතර සමගි ජන බලවේගයට හිමි වූයේ සභික ධුර 6කි. පොදුජන පෙරමුණට සභික ධුර 3ක්, පොදුජන එක්සත් පෙරමුණ සහ ස්වාධීන කණ්ඩායම් අංක 1 එක් සභික ධූරයක් බැගින් හිමි කර ගනු ලැබීය. .
එහෙත් අද පැවති ඡන්ද විමසීමේ දී ඒකාබද්ධ විපක්ෂය නමින් ගොඩනගා ගත් සන්ධානය විපක්ෂයේ සියලුම සභිකයින් එකතු කරගෙන බලය පිහිටවූයේය. ඔවුන් ප්රාදේශීය සභාවේ සභාපතිවරයා ලෙස තෝරා ගන්නේ සමගි ජන බලවේගයේ රණසිංහ වනිගසේකරලාගේ ධර්මදාසය.
පසුගියදා පැවැති පළාත් පාලන මැතිවරණයේදී කැබිතිගොල්ලෑව ප්රාදේශීය සභාවේ ජයග්රහණය ජාතික ජන බලවේගය හිමිකරගනු ලැබූ නමුත් බහුතර මන්ත්රී ආසන සංඛ්යාවක් දිනා ගැනීමට අපොහොසත් විය.
එම මැතිවරණයේදී ජාතික ජන බලවේගය මන්ත්රී ධුර 7ක් හිමිකරගත් අතර සමගි ජන බලවේගයට මන්ත්රී ධුර 6ක් හිමිවිය.
එමෙන්ම පොදුජන පෙරමුණට මන්ත්රී ධුර 3ක්, පොදුජන එක්සත් පෙරමුණ සහ ස්වාධීන කණ්ඩායම් අංක 1 එක් මන්ත්රිධුරයක් බැගින් හිමි කර ගනු ලැබීය.
