සක්රීය නිරිතදිග මෝසම් තත්ත්වය හේතුවෙන් බස්නාහිර සහ දකුණු මුහුදු ප්රදේශවලත් දිවයිනේ දකුණු අර්ධයේත් සුළං තත්ත්වයේ වැඩිවීම තවදුරටත් බලාපොරොත්තු වන බව කාලගුණ විද්යා දෙපාර්තමේන්තුව පවසයි.
මධ්යම කඳුකරයේ බටහිර බෑවුම් ප්රදේශවලත්, බස්නාහිර සහ දකුණු පළාත්වලත් විටින් විට පැ. කි. මී. 50-60ත් අතර වේගයෙන් තද සුළං ඇතිවීමේ හැකියාව ඇති බැවින් ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදුවන අනතුරු අවම කර ගැනීමට අවශ්ය පියවර ගන්නා ලෙස එම දෙපාර්තමේන්තුව ජනතාවගෙන් ඉල්ලා සිටිනවා.
ඇති වන සුළං සමග ප්රචණ්ඩ රළ වර්ධනය විය හැකි බවට අනතුරු ඇඟවේ.
එම නිවේදනයට අනුව සබරගමුව, නුවරඑළිය ගාල්ල සහ මාතර දිස්ත්රික්කවල ඇතැම් ස්ථාන යන්හි මි.මී. 100ට වැඩි තද වැසි ඇතිවීමේ හැකියාව ඇත.
බස්නාහිර, වයඹ පළාත්වලත් මහනුවර දිස්ත්රික්කයේ ඇතැම් ප්රදේශවලත් විටින් විට වැසි ඇතිවිය හැකි ය.
ඌව සහ නැගෙනහිර පළාත්වලත් හම්බන්තොට දිස්ත්රික්කයේත් තැනින් තැන සවස් කාලයේදී හෝ රාත්රී කාලයේදී වැසි හෝ ගිගුරුම් සහිත වැසි ඇතිවිය හැකි බව එම නිවේදනයේ දැක්වේ .
