මැයි 19 වන දින දෙහිවල, නැදිමාල ප්රදේශයේ වෙළඳසැලකට වෙඩි තැබිම සම්බන්ධයෙන් සැකකරුවන් දෙදෙනෙකු අත්අඩංගුවට ගෙන තිබේ.
සැකකරුවන්ගෙන් එක් අයෙකු තුවක්කුකරු බවට විශ්වාස කෙරෙන අතර අනෙක් සැකකරු අපරාධයට ආධාර සහ අනුබල දීමේ චෝදනාවට ලක්ව ඇත.
අත් අඩංගුවට පත්වන අවස්ථාවේ දී සැකකාර වෙඩික්කරු සන්තකයේ අයිස් ග්රෑම් 10.16ක් සහ දෙවැනි සැකකරු සන්තකයේ අයිස් ග්රෑම් 10.35ක් තිබී ඇති බවද පොලිසිය කියයි.
සැකකරුවන් වයස අවුරුදු 38 සහ 43 ක් වන අතර, ඔවුන් පිළිවෙලින් දෙහිවල සහ මිහින්තලේ පදිංචිකරුවන් වේ.
බස්නාහිර පළාත් – දකුණු අපරාධ කොට්ඨාශයේ නිලධාරීන්ට ලැබුණු බුද්ධි තොරතුරු අනුව මෙම සැකකරුවන් අත්අඩංගුවට ගෙන ඇත.
මේ වෙඩි තැබීම් සංවිධානාත්මක අපරාධ කල්ලි දෙකක් අතර සිදුවෙමින් ඇති බවත් ප්රස්තුත වෙඩි තැබීමට හේතුව මත්ද්රව්ය සහ සංවිධාත්මක අපරාධකරුවෙකු වන බඩෝවිටා අසංක නැමැත්තාගෙන් පළි ගැනීම සඳහා ඔහුගේ ඥාතීන් ඉලක්ක කරගැනීම බවත් පොලිස් විමර්ශන අංශවලට තොරතුරු ලැබී තිබිණි.
