සුසන්ත අමරබන්දු –
නැගෙනහිර ප්රදේශයේ සිංහල සහ බෞද්ධ උරුමය සහ අයිතිවාසිකම් වෙනුවෙන් පෙනී ඉන්නා ප්රධානම හිමි නමක් වූ අම්පිටියේ සුමනරතන හිමියන්ට ඊයේ මධ්යම රාත්රියේ දී වෙඩි ප්රහාරයක් එල්ල වී තිබේ.
උන්වහන්සේට මෙම වෙඩි ප්රහාරය එල්ලවන්නේ අම්පාර කෙවිලියාමඩුව පන්සල්ගල අභිනවාරාම විහාරයේ උන්වහන්සේගේ ආවාසය තුළ සැතපී සිටින අවස්ථාවේ දී ය.
ආවාසයේ ජනේලය ආසන්නයේ නවත්වා තිබූ කැන්ටර් වර්ගයේ ලොරි රථයකට පසුපස සිට එල්ල කළ වෙඩි ප්රහාරයක් ලොරි රථයේ යකඩ පටියක වැදී ඉවතට විසි වී ඇති බවත් තවත් වෙඩි ප්රහාරය දෙකක් සැතපී සිටි සුමනරතරන හිමියන් ගේ හිසට අඩි එක හමාරක් පමණ උඩින් බිත්තියට වැදී ඇති බවත් විමර්ශන අංශ කියයි.
කෙවිලියාමඩුව අභිනවාරාමය ඉදිකර ඒ අසල භූමියේ වැව් දෙකක් නිර්මාණය කර විශාල ගොවිපලක් සුමනරතන හිමියන්ගේ අනුශාසනා යටතේ ඉදි කර ඇත. වෙඩි ප්රහාරය එල්ල වී ඇත්තේ මඩකලපුවේ ප්රධාන පන්සලේ සිට මෙම ගොවිපල ආශ්රිතව ඉදිකළ පන්සලට උන්වහන්සේ වැඩම කළ අවස්ථාවේ දී ය. අම්පාර ප්රධාන පන්සල වෙත පොලිස් ආරක්ෂාව සපයා ඇත.
අම්පිටියේ සුමනරතන හිමියන්ට දිගින් දිගටම මරණ තර්ජන එල්ල වෙමින් තිබුණු බවත් ඒ හේතුවෙන්ම මඩකලපුව ප්රධාන පන්සලට පොලිස් ආරක්ෂාව සලසා දී තිබිණි. කෙවිලියාමඩුව පන්සලට සිවිල් ආරක්ෂක භටයින් කීප දෙනෙක් ලබා දී තිබුණ දපොලිස් ආරක්ෂාව සලසා නොතිබුණ බව වාර්තා වේ.
මෙම වෙඩි තැබීම සිදුවූ අවස්ථාවේ දී සිවිල් ආරක්ෂක භටයින් 03ක් ද පන්සලේ රාජකාරි කරමින් සිටි බව විමර්ශනවල දී හෙළි වී ඇත.
දිගින් දිගටම තමන්වහන්සේට තිබූ තර්ජන හේතුවෙන් පොලිසිපතිවරයාට, ආරක්ෂක ලේකම්වරයාට, නැගෙනහිර පළාත් ආණ්ඩුකාරවරියට, ඇතුළු සියලුම අංශ වෙත ලිපි යොමු කරමින් මඩකලපුව පන්සට පමණක් නොව, තමන්ට ද පොලිස් ආරක්ෂාව ලබා දෙන ලෙස ඉල්ලා තිබුණ ද පන්සලෙන් එළියට තවමත් වැඩම කරන්නේ හුදකලාව බවත් ඉල්ලූ ආරක්ෂාව නොලැබුණ බවත් උන්වහන්සේ ලංකාසරට අදහස් දක්වමින් ප්රකාශ කළහ. උන්වහන්සේ පවසන්නේ වසර තිහක් තිස්සේ අම්පාර මුල්කරගෙන තමන් සමාජ ශාසනික සේවා පවත්වාගෙන ගිය ද මෙවැනි ප්රහාරයක් එල්ල වුන මුල්ම අවස්ථාව මෙය බවය.
“ තුවක්කුව තව දශම ගණනක් එහෙ මෙහෙ උනානම් මෙහෙම කතා කරන්න මම අද මෙතැන නෑ”. උන්වහන්සේ පැවසූහ.
13 වැනි ව්යවස්ථා සංශෝධනයයට එරෙහිව කොළඹ පැවති භික්ෂු විරෝධතා පා ගමනට එක්වීමෙන් අනතුරුව තමන්වහන්සේට තර්ජන වැඩි වූ බව ද අම්පිටියේ සුමනරතන හිමියෝ කීහ.
මේ වනවිට සිද්ධිය පිළිබඳ පුලුල් විමර්ශනයක් අරඹා ඇති බව පොලිස් විමර්ශන අංශ පවසයි. සීසීටීවී කැමරා පරීක්ෂා කිරීම අරඹා ඇති බවත්, නිල පොලිස් සුනඛයින් යොදවමින්, අපරාධ ස්ථාන විමර්ශන නිලධාරීන් ( SOCO) කැඳවමින් පුලුල් විමර්ශනයක් අරඹා ඇති බව විමර්ශන අංශ පවසයි.
දින කීපයක් තුළ අපරාධකරුවන් කොටු කරගත හැකි වනු ඇතැයි විමර්ශකයෝ විශ්වාසය පල කරති. මංගලගම පොලිිසිය වැඩිදුර පරීක්ෂණ පවත්වයි.
