මාදුරු ඔය රක්ෂිතය තුළට හරක් පට්ට් 200කට අයත් හරක් 25000කට අධික ප්රමාණයක් ඇතුළත් කර ඇති බවත් මේ නිසා අලියන්ට ආහාරයට ගැනීමට ඇති තෘණ ගවයන් විසින් ආහාරයට ගැනීමෙන් ආහාර හිඟ වී මන්දපෝෂණයෙන් මිය යන අලි පැටවු රක්ෂිතයෙන් හමුවන බවත් වනජීවී ආරංචි මාර්ග කියයි.
මේ හරක් පට්ටි දකුණේ ඉහළම දේශපාලන පවුලට සම්බන්ධකම් පවතින පුද්ගලයින් විසින් පවත්වාගෙන යන බැවින් මේ වනජීවි නිලධාරීන්ට කිසිදු පියවරක් ගත නොහැකි තත්ත්වක් පවතින බව වනජීවී දෙපාර්තමේන්තුවේ අභ්යන්තර ආරංචි මාර්ග පවසයි.
පවතින තත්ත්වය පිළිබඳව අප කළ විමසීමක දී පරිසරවේදී සජීව චාමිකර පැවසුවේ නාමල් රාජපක්ෂ සහ චමල් රාජපක්ෂ යන දෙදෙනාට සම්බන්ධ පුද්ගලයන්ගේ හරක් ගාල් මේ ආකාරයෙන් රක්ෂිතය තුළ බලහත්කාරයෙන් පවත්වාගෙන යන බවය.
“මාදුරුඔය, උඩවලව සහ ලුණුගම්වෙහෙර ජාතික වනෝද්යානවලට තමයි මේ විදිහට හරක් පට්ටි යොමු කරන්නෙ. එයින් වැඩිපුරම ප්රමාණයක් ඇතුළත් කරලා තියෙන්නෙ මාදුරුඔය ජාතික වනෝද්යානයට.”
“අලින්ගේ තෘණ පිටිවල ඇති තෘණ ආහාරයට ගැනීම නිසා අලින්ට ආහාර නැති වෙනවා. ඒ වගේම හරක්ගේ ගොම ජලාශයට එකතු වීම නිසා ජලාශය සුපෝෂණය වෙලා ජලාශයේ ඇල්ගී මට්ටම වැඩි වෙනවා. “
“ගොපල්ලන් රක්ෂිතයට ඇතුළු වන නිසා වන සතුන් දඩයමට ලක් වීමත් වැඩි වෙලා . අනික් පැත්තෙන් ගොපල්ලන් රක්ෂිතයේ ඇතුළෙ ඉඳන් අලින් පිටතට පැන්නීම නිසා අලි ගම්වැදීම වැඩි වෙලා..”
“පට්ටිවල ඉන්න මීහරක් දහවල් ජලයේ ලගින නිසා ජලය අපිරිසිදු වෙනවා… අලින් අපිරිසිදු ජලය බීමට ගන්නේ නෑ. මේ නිසා අලින්ට පානීය ජල ගැටලුවක් ඇති වෙනවා. “
“වන සත්ව වෘක්ෂලතා ආඥා පනතට අනුව ජාතික වනෝද්යානයකට පිටතින් සතුන් ඇතුළත් කිරීම වරෙන්තුවක් නැතිව අත්අඩංගුවට ගැනීමට හැකි වරදක්. මේ රටේ නීතියක් නෑ…” සජීව චාමිකර වැඩිදුරටත් කීවේය.
