ස්වයං අධ්යයනය යටතේ නව විෂය මාලාවක් හඳුන්වා දිමට සූදානම් බව අධ්යාපන ප්රතිසංස්කරණ ,විවෘත විශ්වවිද්යාල හා දුරස්ථඅධ්යාපන ප්රවර්ධන රාජ්ය අමාත්යාංශයේ ලේකම්, ආචාර්ය උපාලි සේදර පවසයි.
ස්වයං අධ්යන්යය පදනම් කරගත් අලුත්ම විෂය මාලාව සම්බන්ධයෙන් සහ නව ඉගැන්වීම් ක්රම සම්බන්ධයෙන් ගුරුවරු පුහුණු කිරීම එළඹෙන මාර්තු මාසයේදී ආරම්භ කරන බව ලේකම්වරයා පැවසුවේය. 2023 වසරේ හඳුන්වා දීමට නියමිත මෙම අධ්යාපන ප්රතිසංස්කරණ වැඩපිළිවෙළ ක්රියාත්මක කිරීමේදී ඊට ගැලපෙන ලෙස විදුහල්පතිවරුන් හා ගුරුවරුන් වෙනස් විය යුතු බවත් ඒ සඳහා විදුහල්පතිවරු පුහුණු කිරීමට ද සැලසුම් කර ඇති බවත් හෙතෙම පැවසීය.
06 වන හා 10 වන ශ්රේනිවල අධ්යාපනය ලබන සිසුන්ට හඳුන්වා දෙන මෙම නව විෂය මාළාව කොවිඩ් වසංගත තත්ත්වයක් වැනි අවස්ථාවක පාසැල් වසා තිබියදී වුවත් දරුවන්ට නිවෙස් වල සිට පහසුවෙන් අධ්යාපනය කටයුතු කරගෙන යා හැකි ලෙස මෙහි ආකෘතිය ගොඩනැගී තිබෙන බවද ඔහු කීය.
විශාල පිටු සංඛ්යාවකින් යුත් බර පොත් වෙනුවට පිටු 20 ක පමණ ප්රමාණයේ පොත් මේ වැඩපිළිවෙළ යටතේ දරුවන්ට ලැබෙන බවත් අනිවාර්ය විෂයන් මෙන්ම තමන් කැමැති විෂයන්ද ඉගෙන ගැනීමේ අවස්ථාව මේ ඔස්සේ දරුවන්ට ලැබෙන බවත් රාජ්ය අමාත්යාංශ ලේකම්වරයා පැවසුවේය.
නව වැඩපිළිවෙළ මගින් මෙරට අධ්යාපනය විවිධාංගීකරණයකට ලක්වන බවත් එකම දේවල් සෑම දරුවාම ඉගෙන ගැනීම වෙනුවට බහුවිධ දේ ඉගෙන ගැනීමේ අවස්ථාව මේ ඔස්සේ දරුවන්ට ලැබෙන බවත් හෙතෙම අවධාරණය කළේය.
අධ්යාපන අමාත්යාංශයේ අධීක්ෂණය යටතේ ජාතික අධ්යාපන ආයතනය මගින් මේ සඳහා යොදා ගැනීමට අපේක්ෂා කරන පොත් සකස් කරමින් සිටින බවද ඒ මහතා කීය.
