පොදු ජන පෙරමුණෙන් මන්ත්රි ධුරයක් හිමිකරගෙන පසුගියදා තාක්ෂණ සහ ආයෝජන ප්රවර්ධන අමාත්යවරයා ලෙස පත් වූ ධම්මික පෙරේරා සිය අමාත්ය මණ්ඩලයේ නායකයා වන අගමැති රනිල් වික්රමසිංහ ට එරෙහිව හදිසියේ ප්රකාශ නිකුත් කිරීමට පෙලඹීම පසුපස කැසිනෝ ව්යපාරවලින් ගිලිහී ඇති බදු අය කර ගැනීම ට අගමැතිවරයා විසින් යෝජනා කිහිපයක් පසුගිය අමාත්ය මණ්ඩල රැස්වීමට ඉදිරිපත් කිරීම හේතු වී ඇති බව දේශපාලන ආරංචි මාර්ග සඳහන් කරයි.
මෙරට ප්රධානතම කැසිනෝ ව්යාපාර ආයතනය ධම්මික පෙරේරා ගේ පුරෝගාමීත්වයෙන් ආරම්භ වූ අතර ඔහුගේ ව්යාපාරවල ජීවිතය ආරම්භ වන්නේ ද මෙම කැසිනෝ ව්යාපාරය මුල් කර ගනිමිනි.
පසුගිය කැබිනට් මණ්ඩල රැස්වීමට අගමැති වික්රමසිංහ මුදල් අමාත්යවරයා ලෙස තමන්ට ඇති බලතලවලට අනුව කැසිනෝ ව්යාපාරයෙන් රජයට අහිමි ව ඇති රුපියල් මිලියන 2600ක පමණ බදු මුදල් අය කර ගැනීමේ ක්රියාවලිය ශක්තිමත් කිරීම සඳහා යෝජනා දෙකක් ඉදිරිපත් කර ඇති අතර මේ වනවිට අගමැති සිහිනය පසුපස දුවන ධම්මික පෙරේරා ඉලක්ක කරගෙන සිදු කළ ක්රියාවක් බවට පොදු ජන පෙරමුණේ ප්රබලයන්ගේ විශ්වාසය වී තිබේ.
මුදල් අමාත්යවරයා ලෙස සිය යෝජනා කැබිනට් මණ්ඩලය වෙත ඉදිරිපත් කළ අග්රාමාත්ය රනිල් වික්රමසිංහ 2010 අංක 16 දරණ කැසිනෝ ව්යාපාර නියාමන පනත ට නව රෙගුලාසි ඇතුළු කිරීමෙන් මෙම ව්යාපාරය නියාමනය කිරීමට සහ අහිමිව ඇති බදු අය කර ගැනීමට අදාළ නව රෙගුලාසි පැනවීමට අදාලව කැබිනට් අනුමැතිය අපෙක්ෂා කර ඇත.
එසේම 1988 අංක 40 දරණ සූදු සහ ඔට්ටු බදු පනත ද කැසිනෝ ව්යාපාරවලට අදාළ වන පරිදි සංශෝධනය කිරීමට යෝජනාවක්ද අගමැතිවරයා කැබිනට් මණ්ඩලයට ඉදිරිපත් කර ඇත. මේ අනුව මෙම පනත යටතේ ද කැසිනෝ ව්යාපාර සඳහා බලපත්ර ලබා ගත යුතු වන අතර අගමැතිවරයා එහිදී පෙන්වා දී ඇත්තේ දැනට මෙම ක්ෂේත්රෙයන් විශාල වශයෙන් රජයට අයවිය යුතු බදු පැහැර හැරෙන අතර එය රාජ්ය භාණ්ඩාගාරයට එක් කිරීමේ අරමුණින් මෙම සංශෝධන කළ යුතු බවය.
මෙතෙක් කැසිනෝ ව්යාපාර ඔට්ටු සහ සූදු බදු පනත යටතේ ලියාපදිංචි කර නොමැති අතර මෙම සංශෝධන හරහා මෙතෙක් එම සමාගම් මඟින් අයකර ගත යතුව පවතින රුපියල් බිලියන 2600කට අධික මුදලක් එකතු කර ගැනීමට අපේක්ෂා කරයි.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
කෙසේ වුවද මේ වනවිට බැසිල් රාජපකෂ ගේ උපදෙස් මත අගමැති ධුරය සියතට ගැනීම සඳහා ක්රමෝපායික වැඩපිළිවෙළක් සකසමින් සිටින ධම්මික පෙරේරා අමාත්යවරයාගේ ව්යාපාර අභියෝගයට ලක්වන මෙම සංශෝධන කැබිනට් මණ්ඩලයට ඉදිරිපත් කර පැය 49ක් ගත වන්නට පෙර ඔහු මාධ්ය හමුවක් කැඳවා මුදල් අමාත්ය ධුරයෙන් අගමැතිවරයා ඉවත් වන ලෙසට ප්රකාශ කළේය.
