ජාතික වනෝද්යානය තුළ පසුගියදා ඇති වූ මදාවි රියදුරන්ගේ සිද්ධිය සම්බන්ධයෙන් අපක්ෂපාතී පරීක්ෂණයක් පවත්වන ලෙස ජනාධිපති රනිල් වික්රමසිංහ අදාළ අංශවලට උපදෙස් දී තිබේ.
දේශපාලන බලපෑම්වලින් තොරව වැරදිකරුවන්ට දඬුවම් ලබාදීමට පියවර ගන්නා ලෙස ජනාධිපතිවරයා නීතිය ක්රියාත්මක කරන බලධාරීන්ට නියෝග කර ඇති බව කැබිනට් ප්රකාශක අමාත්ය බන්දුල ගුණවර්ධන අද (26) මාධ්ය වෙත ප්රකාශ කළේය.
මේ අතර වනජීවී දෙපාර්තමේන්තුවේ අධ්යක්ෂ ජනරාල් එම්.ජී.සී. සූරියබණ්ඩාර මාධ්ය වෙත කියා සිටියේ සිද්ධියට සම්බන්ධ පුද්ගලයින් පිරිසක් අත්අඩංගුවට ගෙන ඔවුන්ට එරෙහිව නීතිමය පියවර ගෙන ඇති බවයි.
සිද්ධිය සම්බන්ධයෙන් උසාවියේ නඩුවක් පවරා ඇති නිසාත් නඩු කටයුතු සිදුවෙමින් පවතින නිසාත් වැඩිදුර තොරතුරු හෙළි කළ නොහැකි බවද ඔහු පැවසුවේය.
යාල ජාතික වනෝද්යානය තුළ අනීතික ලෙස හැසිරුණු පුද්ගලයින්ට සහ වාහනවලට ශ්රී ලංකාවේ කිසිදු ජාතික වනෝද්යානයකට ඇතුළුවීම තහනම් කර ඇති බව කෘෂිකර්ම, වනජීවී සහ වන සම්පත් සංරක්ෂණ අමාත්ය මහින්ද අමරවීර ඊයේ ප්රකාශ කළේය.
සිය ෆේස් බුක් ගිනුමෙන් පණිවිඩයක් නිකුත් කරමින් ඔහු කියා සිටියේ මෙම කණ්ඩායමට වසර 03ක කාලයකට ශ්රී ලංකාවේ කිසිදු ජාතික වනෝද්යානයකට ඇතුළුවීම තහනම් කර ඇති බවයි.
සිද්ධියට සම්බන්ධ සියලු දෙනා අත්අඩංගුවට ගන්නා ලෙස වනජීවී හා වන සම්පත් සංරක්ෂණ අමාත්යාංශය විසින් පොලිස්පතිවරයාගෙන් ලිඛිත ඉල්ලීමක් කර ඇති බවද අමාත්යවරයා සඳහන් කළේය.
මෙම පිරිස සමඟ ගමන් ගත් සෆාරි සංචාරක මාර්ගෝපදේශකයින් 07 දෙනාගේ සේවය ද විමර්ශනය අවසන් වන තෙක් අත්හිටුවා ඇත.
