ලලිත් චාමින්ද –
දෙහිවල සත්වෝද්යානයේ තම කුඩු තුළ තනිවම ජිවත්වන සත්වයින් 15 දෙනෙකු සහකරුවන් නොමැති සත්වයින් 35 දෙනෙකු හා සහකාරියන් නොමැති සත්වයින් 21 දෙනෙකු සිටින බව ජාතික විගණන කාර්යාලය මගින් නිකුත්කොට ඇති වාර්තාවක සඳහන් වේ.
දෙහිවල සත්වෝද්යානය තුල වසර 15ක පමණ කාලයක සිට තනිවම ජිවත් වු ජපන් වදුරා නැමති ගැහැණු සත්වයා 2022 මාර්තු මස 09 වැනිදින මිය ගිය අතර එම සත්වයා තනිවම ජිවත්ව සිටිම නිසා මානසික අවපිඩන තත්වයකට ගොදුරුවිමෙන් පිළිකා සෛල උග්රවීමට බලපා ඇති බවට පශ්චාත් මරණ පරික්ෂණයේ දි අනාවරණය වි තිබුණි. ඒ අනුව සතුන් තනිවම ජිවත්වීම එම සතුන්ගේ මානසික හා ශාරිරික සෞඛ්යයට දැඩි බලපෑමක් කළ හැකි බව විගණනය මගින් අනාවරණය කොට තිබුණි.
සත්ව සුභසාධන උපායමාර්ගයන්හි ඇතුළත් ආචාර්ධර්ම පද්ධතියට අනුව සත්වෝද්යානය තුළ සතුන්ට ස්වාභාවික හැසිරීම සඳහා අවශ්ය පරිසරය සකස් කර දිය යුතුය.
මේ පිළිබඳ සත්වෝද්යානයේ කළමණාකාරිත්වය විසින් විගණනයට සඳහන්කොට ඇත්තේ මේ සදහා විවිධ අන්තර්ජාතික සත්ත්ව හුවමාරු වැඩසටහන් හරහා මුලික පියවරගනිමින් සිටින බවය.
කළු ජගුවර් සදහා මේ වනවිට සහකරුවකු ලැබි ඇති බවද කළමණාකාරිත්වය විසින් විගණනයට සඳහන් කොට ඇත.
