පසුගිය 24 වැනිදා ජින්තුපිටිය ප්රදේශයේ සිදුකල වෙඩි තැබිම පිළිබඳ සැකපිට අත් අඩංගුවට ගෙන සිටි සැකකරුවන් දෙදෙනෙකුට ආදුරුප්පු වීදිය පොලිස්ය තුළදී සයනයිඩ් මිශ්ර කිරි ලබා දී ඝාතනය කිරීමට තැත් කළ පුද්ගලයා මේ වනවිට හඳුනාගෙන ඇතැයි පොලිස් විමර්ශන අංශ පවසයි.
ඔහු අධික ලෙස මත් ද්රව්යවලට ඇබ්බැහි වූ පුද්ගලයෙක් බවත් අත් අඩංගුවට ගත් පුද්ගලයින් බැලීමට පැමිණ ඔවුන් ඝාතනය සඳහා වස දී ඇති බවත් දැන් අනාවරණය වී ඇත.
පොලිසිය තුළට පැමිණ පොලිස් සිරමැදිරියේ රඳවා තබා සිටි සංවිධානාත්මක අපරාධ කල්ලයකට සම්බන්ධ මෙම සැකකරුවන් සයනයිඩ් යැයි සැක කරන වස ශරීරගත වීමෙන් අසාධ්යව මේ වනවිට කොළඹ ජාතික රෝහලේ ප්රතිකාර ලබමිනන් සිටි.
සිද්ධිය සම්බන්ධව මේ වනවට ආදුරුප්පු වීදිය පොලිසියේ නිලධාරීන් තුන් දෙනෙකුගේ වැඩ තහනමට ලක් කර ඇත.
මෙලෙස වැඩ තහනමට ලක්ව ඇත්තේ වැඩ බලන ස්ථානාධිපති ලෙස කටයුතු කළ පොලිස් පරීක්ෂක එස් ජි පි සුනිල් සහ පොලිස් කොස්තාපල්වරුන්වන 79239 ටි ඩි ප්රියදර්ශන , 25486 ජේ විජේසිංහ යන නිලධාරීන්ය.
පොලිස් පරීක්ෂකවරයාගේ වැඩ තහනම සිදුකර ඇත්තේ සැකකරුවන්ගේ ආරක්ෂාව සඳහා යොදවා සිටි නිලධාරියාට හා උපසේවක නිලධාරියාට ප්රමාණවත් නියෝග හා උපදෙස් ලබා නොදීම සම්බන්ධයෙනි
පොලිස් කොස්තාපල් (79239) ටි ඩි ප්රියදර්ශනගේ නිලධාරියාගේ වැඩ තහනම සිදුකර ඇත්තේ පිටතින් ආහාර ගෙන එන ලද පුද්ගලයා පරීක්ෂාවකින් තොරව ඔහුගේ අනනතාවය පිළිබඳ තොරතුරු ලබා ගැනීමෙන් තොරව කටයුතු කර ඇති බවට අනාවරණය වීම හේතුවෙනි.
පිටතින් ආහාර ගෙන ලද පුද්ගලයා පරීක්ෂාවකට ලක් නොකර, ඔහු සම්බන්ධයෙන් දෛනික තොරතුරු සටහන් පොතේ සටහන් නොයෙදීම සම්බන්ධ සම්බන්ධයෙන් පොලිස් කොස්තාපල් 25486 ජේ විජේසිංහගේ වැඩ තහනම් කළ බව පොලිස් මූලස්ථානය කියයි.
පොලිස් කූඩුව තුළ දී වස ලබා දී ඇත්තේ පූකුඩුකන්නාගේ පාතාල කල්ලියේ කුලී ඝාතකයින් දෙදෙනෙකි. ඔවුන් දෙදෙනා බැලීමට පැමිණ ඔවුන්ට වස ලබා දුන් තැනැත්තා මේ පුද්ගලයින් දෙදෙනාගේ සමිපතමයෙක් මෙන්ම ඔහු ද පූකුඩුකන්නාගේ කල්ලියේ සාමාජිකයෙකි.
සැකකරුවන් විසින් පසුගිය දා වෙඩි තබා තිබුණේ කුඩුසෙල්විගේ පාර්ශවයේ සමීපතමයෙකුටය. එම සැකකරුවන් දෙදෙනා ඝාතනය කිරිමට ඔවුන්ගේම කල්ලියේ සාමාජිකයෙක් මුදල් දී නම්මා ගැනීමට සෙල්විගේ පාර්ශවය කටයුතු කර ඇති බව විමර්ශන අංශ සැක කරයි.
