දිනසේන රතුගමගේ –
දෙමළ දේශපාලන පක්ෂ විසින් ඉල්ලා සිටි ඉල්ලීම්වලට එළඹෙන ජාතික නිදහස් උළෙලට පෙර විසඳුම් ලබා දීමට ජනාධිපති රනිල් වික්රමසිංහ එකඟ වූ බව දෙමළ ජාතික සන්ධානයේ ජ්යෙෂ්ඨ මන්ත්රීවරු පිරිසක් අද (14) පැවසූහ.
එම මන්ත්රී කණ්ඩායම විසින් මාධ්ය හමුවකදී මේ බව ප්රකාශ කළ අතර ඔවුන් කියා සිටියේ ජනවාර්ගික ප්රශ්නයට පිළිගත හැකි විසඳුමක් ඉදිරිපත් කිරීමට ජනාධිපතිවරයා එකඟ වූ බවයි.
දෙමළ ජනතාවගේ දේශපාලන ප්රශ්න, බලය බෙදාගැනීම, නව ආණ්ඩුක්රම ව්යවස්ථාව ඇතුළු දෙමළ ජාතික පක්ෂවල ඉල්ලීම් සම්බන්ධයෙන් ක්රියාමාර්ග ගැනීමටද ජනාධිපතිවරයා සිය කැමැත්ත පල කළ බව කී එම මන්ත්රීවරු ඊට අමතරව යුද සමයේදී අතුරුදහන් වූවන්ගේ ප්රශ්නය උතුරේ ඉඩම් ප්රශ්නය වැනි සෙසු ප්රශ්න වලටද විසඳුම් ලබා දීමට ජනාධිපතිවරයා සිය කැමැත්ත දෙමළ දේශපාලන පක්ෂ වෙත පල කොට ඇති බවද කියා සිටියේ ය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
