රුක්ෂාන් බෙල්ලන සෞඛ්ය ක්ෂේත්රයේ ඇති දූෂණ වංචා හෙළි දරවු කරන නිලධාරියෙක් බවත්, ඔන්ඩෙස්ට්රෝන් නැමිති ඖෂධය භාවිතයෙන් දෙදෙනෙක් මිය ගොස් සිටිය දී ඒ සම්බන්ධව ක්රියාත්මක නොවන ආණ්ඩුව දූෂණ විරෝධී රුක්ෂාන් බෙල්ලනගේ වැඩ තහනම් කර ඇති බවත් විපක්ෂ නායක සජිත් ප්රේමදාස අද (19)පාර්ලිමේන්තුවේ දී ප්රකාශ කළේය.
සජිත් ප්රේමදාස කීවේ මෙවැනි කතාවකි.
“සෞඛ්ය ක්ෂේත්රයේ තියන දූෂණ වංචා හෙළි දරව් කරන වෛද්ය බෙල්ලන මැතිතුමාව මාධ්යයට කතා කළා කියලා එයාගෙ රැකියාව අහිමි කරලා තියනවා. එහෙම වෙන්නෙ බෑ නේ.”
“එතුමාගේ රැකියාව අහිමි කරලා තියෙන්නේ මාධ්යයට කතා කලා කියලා. එතුමාට අයිතියක් නැද්ද බාල බෙහෙත් ගැන කතා කරන්න. එතුමාට අයිතියක් නැද්ද සෞඛ්ය ක්ෂේත්රයේ තියන දූෂණ වංචා ගැන කතා කරන්න. එයාගේ වැඩ තහනම් කරලා. ”
ප්රශ්නයට අදාලව කතා කරන ලෙස මේ අවස්ථාවේ දී කතානායකවරයා සජිත් ප්රේමදාසට දන්වා සිටියේය. ඔහු පුන පුනා කීවේ තමන් කතා කරන්නේ ප්රශ්නයට අදාලව බවය. කෙසේ වෙතත් ඔහු නැගී සිටියේ අගමැතිවරිය විසින් ප්රකාශ කළ නව ව්යවස්ථා සංශෝධනය සම්බන්ධ යෝජනාවට අදාලව කරුණු දැක්වීම සඳහාය.
“මම මේ කතා කරනනේ මූලික අයිතිවාසිකම් ගැන. ප්රශ්නයට අදාලව. ජීවත්වීමේ මුලික අයිතියක්. ඔන්ඩන්ස්ට්රොන් කියන බාල ඖෂධය දීලා දෙදෙනෙකුගේ ජීවිත නැති වෙලා තියනවා. කාගෙද වැඩ තහනම් වෙලා තියෙන්නේ.”
“නමුත් බෙල්ලන මහත්මයා මාධ්යයට කතා කළා කියලා වැඩ තහනම් කරලා තියනවා. සෞඛ්ය ක්ෂේත්රයේ තියන දූෂණ හා වංචා ගැන කතා කරලා කියලා එයාව ගෙදර යවලා තියනවා. මොකක්ද මේ සාධාරණත්වය.”
සජිත් ප්රේමදාස විමසා සිටියේ ජීවිතක්ෂයට පත් වූ කාන්තාවන් දෙදෙනාගේ ජීවිත සම්බන්ධව වගකීම පසෙක දමා බෙල්ලනගේ රැකියාව අහිමි කිරීම සාධාරණද කියාය
එහිදී අගමැතිවරිය පැවසුවේ සිද්ධිය සම්බන්ධ රජය කණගාටුවන බවත් ඒ පිළිබඳව විශේෂ විමර්ශනයක් මේ වනවිට ආරම්භ වී ඇති බවත්ය.
“ඒ මරණ දෙක සිදුවිය යුතු දෙයක් නොවෙයි. අපි එය පිළිගන්නවා. මේ පිළිබඳව විමර්ශනයක් කරලා පියවර ගන්නවා. එවැනි සිද්ධීන් එසේ නොවීමටත් කටයුතු කරනවා. විමර්ශනයක් මේ ගැන යනවා. විමර්ශනයේ කරුණු තහවුරු වෙනකම් කරුණු ඉදිරිපත් කිරීමෙන් වැලකී සිටිනවා. අග්රාමාත්යවරිය කීවාය. ඇය තවදුරටත් කීවේ මූලික අයිතිවාසිකම් සම්බන්ධව පුලුල්ව කටයුතු කිරීම සඳහා විපක්ෂ නායකවරයාගේ සහාය ලැබීම පිළිබඳව ඉතා සතුටුවන බවය.
