අනුරාධපුර – පර්සි කුරුනේරු-
අනුරාධපුර මහජන ක්රඩාංගනයේදී පැවැත්වෙන තයිකොණ්ඩු තරගාවලිය සඳහා සහභාගී වීමට රත්නපුර සිරිපාගම ප්රදේශයේ සිට පැමිණි කාන්තාවක් සහ තරුණ දියණියක් අනුරාධපුර නවනගරය දුම්රිය ස්ථානය ආසන්නයේ දුම්රිය මාර්ගයේ සිට සෙල්ෆි ඡායාරූප ගනිමින් සිටිය දී කන්කසන්තුරේ සිට කොළඹ දක්වා ධාවන වෙමින් තිබූ සීඝ්රගාමී දුම්රිය එම ස්ථානයේදීම ජීවිතක්ෂයට පත්ව ඇත.
අනතුරින් මිය ගොස් ඇත්තේ රත්නපුර ප්රදේශයේ පදිංචි.තරනී නිසාදරී වයස අවුරුදු 18ක දියණියක් සහ විමලා රන්ජනී නැමැති 37 හැවිරිදි කාන්තාවකි.
ඇසින් දුටුවන් පවසන්නේ මෙම කාන්තාවත් තරුණ දියණියත් ඔවුන් සමග සිටි තරුණ පිරිමි ළමයෙකුත් සෙල්ෆි ඡායාරූප ගනිමින් සිට ඇති බවය. අනතුර සිදුවන අවස්ථාවේ ඔවුන් තිදෙනාම සිටින සේ සෙල්ෆි ඡායාරූපය අරගෙන ඇත්තේත් මෙම පිරිමි දරුවා විසිනි.
අනතුර සිදුවන්නට මොහොතකට පෙර පිරිමි දරුවා එම ස්ථානයෙන් ඉවතට පැන ඇත. පිරිමි දරුවාට කිසිදු අනතුරක් සිදුව නොමැති බවත් අනතුර සිදුවනවාත් සමගම එම තරුණයා එම ස්ථානයෙන් දිව ගොස් ඇති බවයි සිද්ධිය ඇසින් දුටුවෝ පැවසුහ.
මේ පිළිබඳව වැඩිදුර පරීක්ෂණ අනුරාධපුර පොලිසිය විසින් පවත්වනු ලබයි.
