ශ්රියානි විජේසිංහ –
දළදා වන්දනාවට පැමිණෙන බැතිමතුන් නගරය පුරා ඉවක් බවක් නොමැතිව කැළි කසළ දමා ඇති බවට ව්යාජ වීඩියෝ සමාජ මාධ්ය හරහා සංසරණය වන බැවත් එහි කිසිදු සත්යයක් නොමැති බවත් මහනුවර ප්රධාන නාගරික වෛද්ය නිලධාරි පසන් පැරකුම් ජයසිංහ ලංකාසර කළ විමසුමකදී පවසා සිටියි.
මහජන සෞඛ්ය පරික්ෂකවරුන් දෙදෙනෙකු යටතේ කැළිකසළ ඉවත්කිරීමට සේවකයින් 400ක් දෙනා යොදවා ඇති බවත් කැළිකසළ ඉවතලෑමට අවශ්ය ප්ලාස්ටික් භාජන නගරය පුරා ස්ථාන ගණනාවක ස්ථාපිත කර ඇති බවත් වෛද්යවරයා පෙන්වා දුන්නේය. කුණු කසල ඉවත් කිරීම සඳහා ට්රැක්ටර් රථය පැමිණෙන අතර ට්රැක්ටර් රථයට ළඟාවිය නොහැකි ස්ථානයන්ට ත්රීරෝද රථ යොදා ඇති බවද හෙතෙම පැවසුවේය.
පැය 24 පුරාම නගරය පිරිසිදු කිරීමට අවශ්ය පිරිස යොදා ඇති බවද ඔහු කීවේය.
මේ අතර වැසිකිළි පහසුකම් සැලසීම සඳහා ජංගම වැසිකිළි 124ක් ස්ථාපිත කර ඇති අතර ඉන් පරිබාහිරව නගරයේ රාජ්ය හා පෞද්ගලික් ආයතනවල වැසිකිලි මැතිමතුන්ට භාවිත කිරීමට මේ වන විටත් ඉඩලබා දී ඇතැයිද ප්රධාන වෛද්ය නිලධාරිවරයා පැවසුවේය. පහත දැක්වෙන්නේ සංසරණයවන එවැනි ව්යාජ වීඩියෝවකි.
