ගුවන් තොටුපොළ සහ ගුවන් සේවා සමාගමේ සභාපති ලෙස කටයුතු කළ විශ්රාමික එයාර් වයිස් මාර්ෂල් හර්ෂ අබේවික්රම එම ධුරයෙන් අද (28) ඉල්ලා අස්විය.
වරාය හා ගුවන් සේවා අමාත්යාංශය පවසන පරිදි, හර්ෂ අබේවික්රම 2024 ඔක්තෝබර් මාසයේදී එම තනතුරට පත් වූවද, සංවිධානය තුළ සිදුවීමට නියමිත ආයතනික ව්යුහාත්මක වෙනස්කම් කිහිපයක් හේතුවෙන් සිය ධුරයෙන් ඉල්ලා අස්වී ඇති බවය.
ඒ අනුව වැඩබලන සභාපතිවරයා ලෙස එම අමාත්යාංශයේ ලේකම් ඩබ්ලිව්. ඩබ්ලිව්. එස්. මංගල පත්කර තිබේ.
කෙසේ වෙතත් මෙම ඉල්ලා අස්වීමට මූලික හේතුවක් වී ඇත්තේ ශ්රී ලංකා මහාබෝධි සංගමයේ සභාපති සහ ජපානයේ ප්රධාන සංඝනායක ලෙස කටයුතු කරන බානගල උපතිස්ස හිමියන් විසින් ඉල්ලා සිටි විශේෂ අවසර පත්රයක් ඇමතිවරයාගේ නිර්දේශය ද සහිතව සභාපතිවරයාට ලබා දී ඇති අවස්ථාවේ දී එම අවසරපත්රය ලබා දීම සභාපතිවරයා විසින් ප්රතික්ෂේප කිරීම නිසා ඇමති අනුර කරුණාතිලක සහ සභාපති එයාර් වයිස් මාෂල් හර්ෂ අබේවික්රම අතර ඇති වූ මත ගැටුම බව වාර්තා වී තිබේ.
