මනම්පිටිය නිමල් ජයරත්න –
හබරණ, ත්රිකුණාමලය ප්රධාන මාර්ගයේ ඉන්ධන ප්රවාහනය කරමින් තිබූ බවුසර් රථයක කෙනරක ගැටී සිදු වු අනතුරකින් කෙනරක මියගොස් ඇති බව කවුඩුල්ල වනජීවි කාර්යාලය පවසයි.
මෙලෙස මියගොස් ඇත්තේ හුරුළු පාරිසරික වන උද්යානයේ සැරිසැරූ වයස 15-20 ත් අතර වයසේ පසුවන උස අඩි 7 1/2ක් පමණ වන කෙනරක් බව වනජීවී නිළධාරී හබරණ වනජීවි කාර්යාලයේ නිළධාරීයෙකු සඳහන් කළේය.
අද (08) අළුයම 1.30ට පමණ අනතුර සිදුවන අවස්ථාවේ ඉන්ධන් ප්රවාහන බවුසර් රථය හබරණ දෙස සිට ත්රීකුණාමලය දක්වා ගමන් කර ඇති අතර කෙනර හුරුළු පාරිසරික වන උද්යානයේ සිට කවුඩුල්ල වන උද්යානය වෙත හබරණ ත්රීකුණාමලය ප්රධාන මාර්ගය හරහා මාරු වීමට යාමේදී මෙම අනතුර සිදුවන්නට ඇති බවට වනජීවී නිළධාරීන් සැක කරයි.
මෙම අනතුරෙන් එම කෙනර එම ස්ථානයේදීම මියගොස් ඇත.
අනතුර සිදුවන අවස්ථාවේ ඉන්ධන ප්රවාහනය කළ බවුසර් රථය තුළ රියදුරු සහ සහායකයෙකු ගමන් කර ඇති අතර අනතුරෙන් ඔවුන්ට අනතුරක් සිදුව නොමැත.
කෙසේ නමුත් අනතුරෙන් බවුසර් රථයට බරපතල හානි සිදුව තිබෙන අතර අනතුරට සම්බන්ධ තෙල් ප්රවාහන බවුසර් රථය හා රියදුරු අත්අඩංගුවට ගත් බව ගල්ඔය පොලිසිය කියයි.
මියගිය වන අලියාගේ පශ්චාත් මරණ පරීක්ෂණ කටයුතු ගිරිතලේ වනජීවී පශු වෛද්ය ඒකකයේ වනජීවී නිළධාරීන් විසින් අද සවස සිකුළේය.
වැඩිදුර පරීක්ෂණ කටයුතු කවුඩුල්ල ජාතික වන උද්යාන නිළධාරීන් හා ගල්ඔය පොලීසිය එක්ව සිදුකරයි.
