ශ්රියානි විජේසිංහ –
වෛද්යවරුන් නොමැති වීම හේතුවෙන් වැසී ගිය, අඩපණ වී ඇති රෝහල් , ඉදිරියේදී අඩපණ වීමට නියමිත රෝහල් සහ විශේෂඥ වෛද්ය ඒකක, ගණන 432ක් බව රජයේ වෛද්ය නිලධාරීන්ගේ සංගමය පවසයි.
මින් රෝහල් 20ක් වෛද්යවරන් නොමැති වීම හේතුවෙන් මේ වන විට මුළු මනින්ම වැසී ගොස් ඇති අතර තවත් රෝහල් 44ක් උපාධිධාරි වෛද්යවරයෙක් නොමැතිව සහකාර වෛද්යවරයෙකුගේ පාලනය යටතේ පවත්වාගෙන යාමට සිදුව ඇතැයි සංගමයේ ලේකම් වෛද්ය හරිත අලුත්ගේ සඳහන් කරයි.
විශේෂ වෛද්යවරුන් නොමැතිව ඉදිරියේදී වැසී යාමට නියමිත වෛද්ය ඒකක ගණන 95ක් වන අතර සේවා අඩපණ වී ඇති රෝහල් සහ විශේෂඥ වෛද්ය ඒකක ගණන 150ක් යැයි හෙතෙම පෙන්වාදේ.
තවද වෛද්ය හිඟය හේතුවෙන් ඉදිරියේදී සේවා අඩපණ වීමට නියමිත රෝහල් හා විශේෂඥ වෛද්ය ඒකක ගණන167ක් යැයිද වෛද්ය අලුත්ගේ පවසා සිටියි.
වෛද්යවරුන්ට බලපාන ආර්ථික අර්බුධ විසදමින් ඔවුන්ව මෙරට රඳවා ගැනිමට බලධාරින් කටයුතු නොකරන්නේ වෛද්යවරුන්ගෙන් සියයට 5ක ප්රතිශතයක් රට හැර ගොස් ඇති අතර ඉදිරියේදි තවත් සියයට 25ක ප්රතිශතයක් අපට අහිමි වනු ඇති බව ලේකම්වරයා පෙන්වාදේ.
බලධාරීන් තව දුරටත් නිද්රාශීලීව සිටින්නේ නම්. වෛද්යවරුන්ට ආර්ථික යුක්තිය ඉෂ්ඨකර ගැනීමට පාලකයින්ට උතේජනය දෙන තීන්දු තීරණයන්ට යන්න සිදුවෙනු ඇති බවත් එයින් ප්රතිපලයක් නොමැති නම් සෞඛ්ය පද්ධතිය තුළ සිදුවන කඩාවැටීමට වෛද්යවරුන් වගනොකියන බවත් සංගමය අවධාරණය කරයි.
