පුද්ගලයන් 44000කට ආසන්න පිරිසකට මරු කැඳවමින් සිදුවූ භූමි කම්පා ඛේදවාචකය සිදුවූ තුර්කි සහ සිරියානු කලාපයේ ඊයේ (21) ද ප්රබල භූ කම්පන දෙකක් ඇතිවීම හේතුවෙන් අවම වශයෙන් තිදෙනකුවත් මිය ගොස් පුද්ගලයන් දෙසීයකට වඩා තුවාල සිදුව ඇති බව ඇතැයි විදේශ වාර්තා සඳහන් කරයි.
රිච්ටර් මාපකයේ 6.4 සහ 5.8 ප්රබලතාවයෙන් යුතු කම්පන දෙකක් වාර්තා වී ඇති අතර පසුගිය 06 වැනිදා සිදුවූ මහා භූ කම්පන හේතුවෙන් සෙලවී තිබූ ගොඩ නැගිලි ගණනාවක් මෙම කම්පනයෙන් පසුව බිමට සමතලා වී ඇති බවද මෙම වාර්තා සඳහන් කරයි.
මේ තත්ත්වය හේතුවෙන් පසුගියදා නතර කෙරුණු ගලවා ගැනීමේ මෙහෙයුම් යළිත් ආරම්භ කිරීමට තුර්කියට සිදුව ඇති අතර ප්රදේශයේ ජනතාව මේ දැවැන්ත කම්පන හේතුවෙන් දැඩි පීඩාවකට පත්ව ඇති බව සී.එන්.එන් පුවත් සේවය වාර්තා කළේය. මෙම භූ කම්පන දෙක ඊයේ රාත්රි තුර්කි වේලාවෙන් රාත්රි 8ත් 8.15ත් අතර සිදුව ඇති බව සඳහන් වේ.
මෙම කම්පනය සිදුවන විටත් තුර්කියේ අන්ටාකියා ප්රදේශයේ බොහොමයක් ජනතාව සිය නිවාස නොමැතිකමින් තාවකාලික කඳවුරුවල සිට ඇති අතර ඔවුන්ට දරා ගත නොහැකි කම්පනය එකවරම අතිවූ බව එම කඳවුරුවාසීන් මාධ්යයට පවසා අත.
එක් කාන්තාවක සී.එන්.එන් වෙත පවසා තිබුණේ කඳවුරුවල බිමඳ හිඳගෙන සිටි ඔවුන්ට එකවරම පොලොව පළාගෙන යාවිදැයි හිතෙන තරමේ සෙලවීමක් ඇති වු බවය.
