අසේල කුරුළුවංශ
තායිලන්තයෙන් මෙරටට පරිත්යාග කළ තායි රාජා හා කණ්ඩුල ඇතුන් දෙදෙනා යළි එරටට රැගෙන යාම සඳහා රාජ්ය මට්ටමින් කිසිදු අවධානයක් මෙතෙක් යොමුව නොමැති බව තායිලන්ත තානාපතිවරයා මල්වතු මහනායක අතිපූජ්ය තිබ්බටුවාවේ ශ්රී සිද්ධාර්ථ සුමංගල මහනාහිමියන් වෙත දැනුම් දී තිබේ.
මේ වනවිට ඒ සම්බන්ධෙයන් සමාජ මාධ්ය ඔස්සේ පැතිර යන ප්රවෘත්ති වල සත්යතාවක් නොමැති බව ද ඔහු ප්රකාශ කර ඇත.
මල්වතු මහා විහාරයේ කඨින චීවර පූජාවට ඊයේ (25) පැමිණි අවස්ථාවේ තායි රාජා හා කණ්ඩුල ඇත්තු සම්බන්ධයෙන් පැතිර යන කතාව පිළිබදව මල්වතු මහනාහිමියන් කළ විමසීමට පිළිතුරු දෙමින් තායිලන්ත තානාපතිවරයා මේ බව පවසා තිබේ.
මේ වනවිට ශ්රී දළදා මාලිගාවේ ඇත් පන්තිය නියෝජනය කරන තායි රාජා සම්බන්ධයෙන් තායි රජය කිසිදු විමසීමක් සිදුකර නොමැති බව මේ සම්බන්ධයෙන් කළ විමසීමක දී වැඩබලන දියවඩන නිලමේ ප්රදීප් නිලංග දෑල පැවසීය.
මුතුරාජා ඇතා රැගෙන යාමෙන් පසු මේ වනවිට මෙරට සිටින තායිලන්ත ඇතුන් දෙදෙනාගෙන් එකෙකු වන තායි රාජා ගේ සෞඛ්ය තත්ත්වය තම අධීක්ෂණය යටතේ සිදු කෙරෙන බවත් එම ඇතා යහපත් සෞඛ්ය තත්ත්වයෙන් පසුවන බවත් පේරාදෙණිය විශ්වවිද්යාලයේ පශු වෛද්ය පීඨයේ මහාචාර්ය අශෝක දංගොල්ල කීය.
