පාර්ලිමේන්තු මන්ත්රී ජගත් විතාන වෙත මරණීය තර්ජන එල්ලවී ඇත්තේ ජනතාවාදී දේශපාලනයක් කරන්නට ගොස් නොව, යම් යම් අපරාධ කල්ලි සමග පැවැත්වූ සහ සම්බන්ධතාවල ප්රතිඵලයක් ලෙස බවට විමර්ශනවලින් ආනවරණය වන්නේ යැයි පොලිස්පති ප්රියන්ත වීරසූරිය පැවසුවේය.
මීරිගමදී මාධ්ය අමතමින් පොලිස්පතිවරයා කීවේ මේ වනවිට මන්ත්රීවරයාට අවශ්ය ආරක්ෂාව තාවකාලිකව සපයා දී සිද්ධිය සම්බන්ධයෙන් විමර්ශන කටයුතු ආරම්භ කර ඇති බවය.
පොලිස්පතිවරයා මෙසේ පැවසුවේය.
“ දැනට තාවකාලික ආරක්ෂාවක් ලබා දුන්නා. හැබැයි එතුමටත් තියෙන්නේ සංවිධානාත්මක අපරාධවලට යම් සම්බන්ධතා ඇති පුද්ගලයින්ගේ සහ සම්බන්ධකම් හින්දා තමයි ඒ තර්ජනය ගොඩනැගිලා තියෙන්නේ.”
“ අපි විවෘතව විමර්ශනයක් මේ සම්බන්ධව පවත්වනවා මොන ආකාරයෙන්ද ඔවුන්ට තර්ජනය නිර්මාණය වුනේ කියලා.”
ජගත් විතාන මන්ත්රීවරයා වෙත තමන්ට මරණීය තර්ජන ඇති බවට වූ තොරතුර ලැබුණු ආකාරය පැහැදලි කරමින් පොලිස්පතිවරයා පැවසුවේ මෙවැන්නකි.ක
“අපි ලැබෙන හැම තොරතුරක්ම පහළට යොමු කරලා ඒ සම්බන්ධව විමර්ශන කටයුතු කරනවා. එසේ විමර්ශන කරන අතර තමයි එතුමාට ඒ තොරතුර ගිහිල්ලා තියෙනනේ.
කෙසේ නමුත් අපිත් එතුමාව දැනුම්වත් කරන්න අවශ්යයයි. මොකද මේක මහ ජන දේශපාලනය කරන්න ගිහිල්ලා නෙමෙයි මේ තර්ජනය මතුවෙන්නේ. යම් යම් කූට ව්යාපාර, ජාවාරම්කාර පුද්ගලයින් එක්ක සහසම්බන්ධ වුනොත් ඒවායින් නිර්මාණයවන තර්ජනයක් කියලා දැනට ආනාවරණය වෙලා තියනවා. “ පොලිස්පතිවරයා පැවසුවේය.
