අපරාධ පරීක්ෂණ දෙපාරත්මේන්තුව මගින් තමන් නීති විරෝධී ආකාරයට අත් අඩංගුවට ගැනීම සහ සිය ජංගම දුරකථනය රඳවා ගැනීම සම්බන්ධව ශ්රී ලංකා පොදුජන පෙරමුණේ පාලක ලේකම් රේනුක පෙරේරා අද (13) ශ්රී ලංකා මානව හිමිකම් කොමිසමට පැමිණිල්ලක් ඉදිරිපත් කර තිබේ.
තහනම් සංවිධානයක්වන එල්ටීටීඊ සංවිධානය මහවිරු සමරුවක් පවත්වා ඇතැයි කියමින් ෆේස් බුක් සමාජ මාධ්ය ජාලයේ වීඩියෝවක් පලකිරීම මුල් කරගෙන රේනුක පෙරේරා පස්ගිය 05 වැනිදා කොටිකාවත්තේ දි අපරාධ පරික්ෂණ දෙපාර්තමේන්තුව විසින් අත් අඩංගුවටගෙන අධිකරණයට ඉදිරිපත් කිරීමෙන් පසු ඇප මත මුදා හැරියේය.
” ඔවුන් මගේ ජංගම දුරකථනය ඔවුන් භාරයට ගත්තා. එය මේ වනතුරු මට භාර දීලා නෑ. ඉතින් මගෙ දුරකථනයෙන් තමයි පක්ෂයේ දේශපාලන කටයුතු මගේ පෞද්ගලික කටයුතු සිදුකරන්නේ මගෙ දුරකථනයෙන්. ඉතින් මේ සම්බන්ධව අධිකරණයටත් වාර්තා කළා. මානව හිමිකම් කොමිසමටත් මම අද වාර්තා කළා. මාව අත් අඩංගුවට ගැනීම සඳහා කිසිම නිලධාරියෙක් නිල ඇඳුමින් සහභාගී වුනේ නෑ. සිවිල් ඇඳුමින් සැරසිලා නීති විරෝධී ආකාරයටයි මගේ නිවසට ඇතුළු වුනේ. පොලිසිය විසින් නීත්යානුකූළ නොවන ක්රියාමාරග්යක් ගත්තා කියන එකයි මගේ අදහස” රේනුක පෙරේරා මාධ්යයට කීවේය.
