සූරියවැව නුවන් ජයසේකර –
වැවේගම ප්රදේශයේදී පුද්ගලික ආරවුලක් මත පියෙකු විසින් ඊයේ (11) දින සවස සිදුකල වෙඩි තැබිමකින් ඔහුගේ 30 හැවිරිදි පුතු තුවාල ලබා ප්රථිකාර සඳහා හම්බන්තොට මහ රෝහලට ඇතුළත් කර ඇතැයි සූරියවැව පොලිසිය පවසයි.
මෙලෙස වෙඩි වැදිමෙන් තුවාල ලබා රෝහල් ගත කර ඇත්තේ සූරියවැව,වැවේගම පදිංචි 30 හැවිරිදි දම්මලගේ ඉසුරු මදුෂංක (පුතා) නැමති අයයි.
30 හැවිරිදි පුතු හා ඔහුගේ පියා අතර කලක සිට පැවති ආරවුලක් දුරදිග යාම හේතුවෙන් මෙම වෙඩි තැබිම සිදුකර ඇති බව මුලික පොලිස් පරීක්ෂණ වලදි අනාවරණය වි ඇත
වෙඩි වැදිමෙන් තුවාල ලැබූ පුතු වැවේගම සිය නිවස අසල පිහිටි වගා භූමියේ සිටියදි බීමත්ව එම ස්ථානයට පැමිණ ඇති පියා විසින් මෙරට නිශ්පාදිත කොටන තුවක්කුවකින් මෙම වෙඩි තැබීම සිදුකර පළාගොස් තිබේ.
වෙඩි වැදිමෙන් තුවාල ලැබූ 30 හැවිරිදි පුතු ප්රදේශවාසීන් එක්ව ප්රතිකාර සඳහා සූරියවැව රෝහලට ඇතුළත් කිරිමෙන් පසු වැඩිදුර ප්තිථිකාර සඳහා හම්බන්තොට මහ රෝහලට ඇතුළත් කර ඇත.
වෙඩි තැබීම සිදුකළ පියා මේ වන විට ප්රදේශයෙන් පළාගොස් ඇත. අතර සිද්ධිය සම්බන්ධයෙන් තංගල්ල කොට්ඨාසභාර ජ්යෙෂ්ඨ පොලිස් අධිකාරී කේ.බී.කීර්ති රත්නෙ සහ සූරියවැව පොලිස් ස්ථානාධිපති ප්රධාන පොලිස් පරීක්ෂක අනුර සුසන්තගේ උපදෙස් පරිදි විමර්ශන පැවැත්වේ.
අපරාධ ස්ථාන පරීක්ෂක නිලධාරීන් (SOCO) පැමිණි ස්ථානීය පරීක්ෂණක් ද සිදුකර ඇත.
