මාස තුනකට පෙර චීනයේ අභ්යාවකාශ මධ්යස්ථානය වෙත ගිය ‘ශෙන්ෂොව් – 14’ කණ්ඩායම පළමු වරට අභ්යාවකාශයේ ඇවිදීමට සමත් විය.
එම කණ්ඩායමේ අණදෙන නිළධාරී චෙන් ඩොන්ග් හා කාර්ය මණ්ඩල සාමාජික ලියු යැන්ග් අභ්යාවකාශයේ ඇවිදීම සිදු කළ අතර අනෙක් සාමාජිකයා වන සායි ක්ෂූහේ මැදිරිය තුළ සිට ඔවුන්ට සහය දුන්නේය.
අභ්යාවකාශයේ ඇවිද ගිය චෙන් ඩොන්ග් අභ්යාවකාශ මධ්යස්ථානය සමඟ සෙල්ෆි ඡායාරූපයක් ද ගෙන තිබිණි.
චීන අභ්යාවකාශගාමීන් දෙදෙනා බ්රහස්පතින්දා සවස 3.48ට අභ්යාවකාශ ඇඳුම් ඇඳ ගනිමින් පිටත්වීමට සූදානම් වීම ඇරඹූ අතර සවස 7ට මැදිරියෙන් පිටතට ගමන් කළහ. එම කාලය අතරතුර හදිසි අවස්ථාවකදී ආපසු පැමිණීමේ හැකියාව තහවුරු කර ගැනීම සඳහා වෙන්ටියන් හි විස්තීරණ පොම්ප කට්ටල සවිකිරීම, පරිදර්ශක කැමරා එසවීම සේම කුඩා රොබෝ අතක ආධාරයෙන් අනෙක් ක්රියාකාරකම් ද පරීක්ෂා කළහ.
මෙහිදී ඔවුන් අභ්යාවකාශයට පය තැබුවේ ප්රථම වරට ටියන්ගොන්ග් අභ්යාවකාශ මධ්යස්ථානයට ගෙනා වෙන්ටියන් රසායනාගාර මොඩියුලයේ එයාර්ලොක් කුටිය හරහා පිටතට ගියහ. එය මධ්යස්ථානයේ දියත් කරන ලද පළමු රසායනාගාර කුටි මොඩියුලය වේ.
මීටර් 10කට වඩා දිගැති ආරක්ෂක කඹයකින් චීන අභ්යාවකාශගාමීන් දෙදෙනා හා මොඩියුලය සම්බන්ධ වී තිබූ අතර හදිසි අවස්ථාවකදී ඇදගත හැකි අන්දමින් එය නිර්මාණය වී තිබිණි. ඇඳුම්වලට සම්බන්ධ වී තිබූ මෙම කඹය අභ්යාවකාශ පරිසරයට ඔරොත්තු දෙන අන්දමේ එකක් විය.
මෙම මෙහෙයුමේ තවත් විශේෂත්වයක් වන්නේ දේශීයව සංවර්ධනය කරන ලද ඉහළ මට්ටමේ අභ්යාවකාශ චිප්ස් මෙහෙයුම සඳහා භාවිතා කිරීමය.
.
