සූරියවැව නුවන් ජයසේකර –
අස්වැසුම සහනාධාරය තමන්ට අහිමි වී ඇති බව පවසමින් තණමල්විල කිතුල්කොටේ ප්රදේශයේ පදිංචි ජනතාව වැල්ලවාය තණමල්විල ප්රධාන මාර්ගය කිතුල්කොටේ ප්රදේශයෙන් අවහිර කර විරෝධතාවයක නිරත වූහ.
ඊයේ (30) පෙරවරුවේ මෙම විරෝධතාවය පැවති අතර විරෝධතාවයට එක්ව සිටි පිරිස පැවසුවේ අදාල සහනාධාරය හිමි නොවිය යුතු පුද්ගලයන්ට එම සහනාධාරය ලබා දී ඇති බවත්,ලැබිය යුතු තමන්ට එය නොලැබි ඇති බවත්ය.
ඉතා අසාධාරණ ලෙස තමන්ට හිමිව තිබු මෙම සහනාධාරය මේ වන විට කපා දමා ඇතැයි විරෝධතාකරුවෝ කිහ. විරෝධතාකරුවන් තණමල්විල වැල්ලවාය ප්රධාන මාර්ගය කිතුල්කොටේ ප්රදේශයෙන් හරස්කර විරෝධතාවය දැක්විම හේතුවෙන් පැයකට ආසන්න කාලයක් එහි ගමනාගමන කටයුතු වලටද දැඩි බාධා එල්ලවිය.
පසුව විරෝධතාවය පැවති ස්ථානයට පැමිණි තණමල්විල පොලිස් ස්ථානයේ නිලධාරීන් විසින් විරෝධතා කරුවන්වන් අදාල වගකිවයුතු නිළධාරීන් වෙත යොමු කරන බවට දුන් පොරොන්දුවෙන් පසු විරෝධතාකරුවෝ විසිර ගියහ.
