-
එක් වෛද්ය සැපයුමක් ගෙන්වීමට විනිමය හිඟය බලපාලා… මාස හතරක් තිස්සේ පෙට් ස්කෑනර් යන්ත්රය ක්රියාත්මක කරවන්න බෑ… සෞඛ්ය සේවා ආංචි මාර්ග කියයි..
මහරගම අපේක්ෂා රෝහලේ කීමෝතෙරපි ලබාදෙන පිළිකා රෝගීන්ව පෙට්ස්කෑන් පරික්ෂාවට ලක් කිරීමට නොහැකිවීම හේතුවෙන් රෝගිහු මහත් අසීරුවකට පත්ව ඇතැයි රෝහල් ආරංචි මාර්ග සඳහන් කරයි.
පිළිකා රෝගීන්ගෙන් සියයට 50ටම පාහේ කීමෝ තෙරපි ප්රතිකාරය ලබා දෙන අතර එම ප්රතිකාරය කොතරම් දුරට සාර්ථක වී තිබේද යන්න පිලිබඳව පෙට් ස්කෑන් පරික්ෂාවෙන් තහවුරු කර ගන්නා නමුත් මේ වන විට අපේක්ෂා රෝහලේ පෙට් ස්කෑන් යන්ත්රය ක්රියාත්මක කිරීමට නොහැකි වීම හේතුවෙන් පරික්ෂා කිරීම් නතර වී ඇතැයි රෝහල් ප්රකාශකයෙකු සඳහන් කළේය.
ස්කෑන් පරික්ෂාව සඳහා යන්ත්රයට රෝගියෙකු ඇතුළත් කරන අවස්ථාවේදී එම රෝගියාට එන්නත් කටුවක් ආධාරයෙන් ඖෂධයක් ශරීර ගත කරන අතර එම කටුව නොමැති විම හේතුවෙන් පෙට් ස්කෑන් පරික්ෂණ මාස 4කට අධික කාලය සිට නතර කර ඇතැයි එම ප්රකාශකයා වැඩිදුරටත් අනාවරණය කළේය.
මෙම එන්නත් කටුව එක්තරා සමාගමකින් ඇනවුම් කර ඇතත් දැනට පවතින ඩොලර් ප්රශ්නය හේතුවෙන් ගෙන්වා ගැනීමට නොහැකි වී ඇතැයි එම ප්රකාශකයා පැවසීය.
මේ අනුව හදිසි හා අත්යවශය පෙට්ස්කෑන් පරික්ෂණයන් කොළඹ ජාතික රෝහලෙන් සිදුකර ගන්නා අතර ඒ සඳහා ද සැලකිය යුතු කාලයක් බලා සිටීමට සිදුවනු ඇතැයි ද හෙතෙම පැවසීය.
මේ වන විට පෙට්ස්කෑන් යන්ත්ර ඇත්තේ කොළඹ ජාතික රෝහලේ සහ එක් පෞද්ගලික රෝහලක් තුළ පමණක් වීමද මෙහි තදබදය තවත් වැඩිවීමට හේතුවක් වී ඇතැයි ද ඔහු පෙන්වාදේ
