-
ඝාතන සැකකරු වෙනත් වරදකට බන්ධනාගාරගතව සිටිය දී ඩෑන් ඝාතනය කර අවුරුද්දට පෙර යලිත් බන්ධනාගාරයට එන බව ඔහු සමග බන්ධනාගාරයේ සිටි අයට කියලා..
ඩෑන් ප්රියසාද් වෙඩිතබා ඝාතනය කිරීමේ සිද්ධියේ සැකකාර වෙඩික්කරු ඊයේ (02) අත් අඩංගුවට ගත් බව පොලිසිය සඳහන් කරයි.
මෙම පුද්ගලයා අත් අඩංගුවට ගෙන ඇත්තේ කොළඹ කරුඳුවත්ත ප්රදේශයේ දී ය. මෙම ප්රහාරයට සැක පිට අත් අඩංගුවට ගන්නේ කට් බන්දු නැමැති අන්වර්ථ නාමයෙන් හඳුන්වන පාතාල සාමාජිකයෙකි. ඔහු මෙම ඝාතනයට පෙරත් බන්ධනාගාරගතව සිට ඇත. ඇප පිට නිදහස්ව පැමිනීමට පෙර බන්ධනාගාරයේ ඔහු සමග සිටි පිරිසට බන්දු පවසා ඇත්තේ තමන් ඩෑන් ප්රියසාද් ඝාතනය කර යළිත් අවුරුද්දට පෙර බන්ධනාගාරයට එන බවය. පොලිසිය මේ පුද්ගලයා සම්බන්ධව මුල සිටම දැඩි විමර්ශනයක නිරත වන්නේ බන්ධනාගාරය තුළින්ම ලැබුන මේ තොරතුරුත් සමගය.
කට්බන්දු ඩෑන් ප්රියසාද්ව සහ ලක්සඳ සෙවන නිවාස සංකීර්ණය හොඳින් පලපුරුදු ඩෑන්ගේ නිවස පිළිබඳවත් හොඳින්ම දන්නා පුද්ගලයෙක් බව අනාවරණය වී ඇත. මේ ඝාතනයට ආසන්නම හේතුව ලෙස විමර්ශකයින් සැක කරන්නේ ඩෑන් ප්රියසාද් ත්රීවිල් රථයකට පහර දී මන්නයකින් කොට රථයට හානි කර මැරකම ප්රදර්ශනය කිරීම බවත් මෙම ඝාතන සිද්ධිය පසුපස කංජිපානි ඉම්රාන්ගේ කල්ලිය සිටින බවත්ය.
මේ වනවිට ඝාතනය සම්බන්ධ ජාලයේ පුද්ගලයින් සැලකිය යුතු ප්රමාණයක් හඳුනාගෙන අත් අඩංගුවට ගෙන තිබේ.
පසුගිය 22 දා රාත්රියේ දී ඩෑන් ප්රියසාද් වෙඩි ප්රහාරයකට ලක් වන්නේ වැල්ම්පිටිය ලක්සඳ සෙවණ මහල් නිවාස සංකීර්ණයේ හය වැනි මහලේ පිහිටි නිවසක් තුළ දී ය.
වෙඩික්කරුවා සහ සහායකයා මහල් නිවාසයේ හයවැනි මහලේ නිවසට ඇතුළු වී වෙඩි තබා පලා යන ආකාරය සීසීටීවී දර්ශනවල සටහන්ව තිබිණි.
පිස්තෝලයකින් තැබූ වෙඩි පහර හතරක් ඔහුගේ උරහිසට සහ පපු ප්රදේශයට එල්ල වී තිබිණි. එදින රාත්රියේ කොළඹ ජාතික රෝහලේ දී ඔහු මිය ගියේය. විමර්ශන ක්රියාත්මකය.
