මනම්පිටිය නිමල් ජයරත්න .
රටේ බැංකුවලින් සියයට සියයට 86ක් ණය ලබා දී ඇත්තේ වාහන මිලදී ගැනීමට සහ රත්තරන් බඩු උකස් අරවා ගැනීමට බවත්, සංවර්ධන ව්යාපෘතිවලට ලබා දී ඇත්තේ සමස්ථ ණය ප්රතිශතයෙන් සියයට 14ක් පමණක් බවත් අරලිය සමූහෝ ව්යාපාරයේ අධිපති ඩඩ්ලි සිරිසේන සඳහන් කළේය.
තමන් අසල දැන් සිටින දේශපාලන අධිකාරිය මේ ඇත්ත ජනාධිපතිවරයාට නොකියන්නේ නම් තමන් එය කියන බවත්, විශාල බලයක් සහිතව මේ ආණ්ඩුව පත් කරගනු ලබන්නේ මේ රටේ සංවර්ධනයක් අපේක්ෂාවෙන් බවත් ඔහු පෙන්වා දුන්නේය.
ශ්රී ලංකාවේ දුම්රිය ස්ථාන සියයක් නවීකරණ වැඩසටහන යටතේ පොළොන්නරුව දුම්රිය ස්ථානය නවීකරණය කිරීමේ අවස්ථාවට අද ( 28 ) සහභාගි වීමෙන් අනතුරුව, ඩඩ්ලි සිරිසේන ඒ බව සඳහන් කළේය.
මෙම අවස්ථාවට නිවාස හා ඉදිකිරීම් නියෝජ්ය අමාත්ය ටී.බී. සරත්, පාර්ලිමේන්තු මන්ත්රී සුනිල් රත්නසිරි ඇතුළු දේශපාලන අධිකාරිය ද පොළොන්නරු දිස්ත්රික් ලේකම් එස්. ඒකනායක ඇතුළු රාජ්ය අංශ ප්රධානීන් පිරිසක් ද එක්ව සිටියහ.
මෙහිදී වැඩිදුරටත් වැඩිදුරටත් කතා කළ ඩඩ්ලි සිරිසේන මෙසේ ද පැවසීය.
“අපි දේශපාලනය කරලා හෙම්බත් වෙලා ඉන්න මිනිස්සු, මේ ආණ්ඩුව මීට අවුරුද්දකට පෙර ගත්ත තීන්දුවක ප්රතිඵල අපට පේනවා. හැබැයි මදි, අඩුපාඩු කතා කරන්න හුඟක් අය ඉන්නවා. හැබැයි හොඳ දේ කතාකරන්න ඉන්න පිරිස අඩුයි, නමුත් රජය වගකීමක් හැටියට අරගෙන තියෙන්නෙ මල්වට්ටියක් නෙමෙයි. බෝම්බ වට්ටියක්.”
” රජය දැනුවත්ව හෝ නොදැනුවත්ව යම් යම් අඩුපාඩු කම් සිදු කරනවා, රාජ්ය නිලධාරීන්ගේ කායික හා මානසික තත්ත්වය ගොඩනැගීම ද අපේ යුතුකමක් වෙනවා. හැබැයි ඇමතිතුමා මේක ජනාධිපතිතුමාටත් කියන්න ඕනේ. නැත්නම් මම හරි කියනවා.”
“ මම දැන් සති දෙක තුනක ඉඳලා නිව්ස් එකක් දකිනවා අපේ බැංකු පිළිබඳව. රටක අපි ශක්තිමත් වුණොත් පමණයි රජයට මේ වගේ සංවර්ධන වැඩපිළිවෙළ ඉදිරියට කරගෙන යන්න පුළුවන්. අපි මේවා කළා කියලා බදු සහන දෙන්නෙත් නෑ.
“රටක යහපත් සංවර්ධනයක් ඔබතුමාගේ නායකයාගෙන් අපි බලාපොරොත්තු වෙනවා. ඒක කරන්නත් ඕනේ. පහුගිය කාලවලදී බැංකු වලින් ලබාදීලා තියෙන ණය වර්ග කිරීමේ දී, සියයට අසූ හයක් ණය දීලා තියෙන්නෙ වාහන මිලදී ගන්නයි. රත්තරන් බඩු උකස් අරවා ගන්නයි. ඉතිරි සීයට දාහතර තමයි සංවර්ධනයට දීල තියෙන්නෙ.”
“ඔබතුමාලට මේ රටේ ජනතාව අසීමිත බලයක් දුන්නා, අපිත් දේශපාලනයට ළඟින්ම සම්බන්ධ මිනිස්සු. ඔබතුමාලගේ ජයග්රහණයට අපි සම්බන්ධ වුණේ මේ රටේ ප්රශ්න ටික විසඳා ගන්න. පනතක් සම්මත කරලා බැංකුවට නියෝග කරන්න අඩුම වශයෙන් බැංකු වලින් ණය ලබාදීමේදී සීයට 30 ක් රටේ සංවර්ධන හා සංචාර කර්මාන්තය දියුණු කරන්න දෙන්න ඕනේ කියලා.”
“පහුගිය ආණ්ඩු ඒ වගකීමක් නොකළ නිසා තමයි අපේ රටේ ජනතාව මේ ප්රතිඵල අත්විඳිමින් තිබෙන්නේ. ඔබතුමාලට විශේෂ අවස්ථාවක් ලැබිලා තියෙනවා රටේ මිනිසුන්ගේ ආර්ථිකය ගොඩනගන ගමන් රටේ සංවර්ධනයක් සිදුකරන්න. රජයත් ,රාජ්ය නිලධාරිනුත්, ව්යාපාරිකයන් වශයෙන් අපිත්, එකට එකතු වෙලා මේ අභියෝගය ජයගමු කියන යෝජනාව මා කරනවා”. යයි ඩඩ්ලි සිරිසේන වැඩිදුරටත් කීවේය.
