සුසන්ත අමරබන්දු –
ජිනීවා මානව හිමිකම් කොමිසම ඉලක්ක කරගෙන සංවිධානය කර, සියලුම අධිකරණ නියෝග කඩකරමින් මේ වනවිට පවත්වාගෙන යන ටී.එන්.ඒ උද්ඝෝෂණයට සහභාගී වන පුද්ගලයෙක් වෙනුවෙන් එක් දවසක් සඳහා රුපියල් පනස් දහසක් දීමනාවක් ගෙවීමට කටයුතු කර ඇති බව වාර්තා වේ.
ඊයේ (03) රාත්රියේ පෙළපාළිය අවසන නම් ගම් හැඳුනුම්පත් සටහන් කරමින් සංවිධායකවරු මූලික ලෙඛණය සකස් කර තිබිණි. ඒ අනුව දින හතරක් ගෙවා යාපනය බලා යන පුද්ගලයෙක් වෙනුවෙන් ලක්ෂ දෙකක ගෙවීමක් කිරීමට සූදානම් කර ඇතැයි බුද්ධි අංශ ආරංචි මාර්ග වාර්තා කර ඇත. මෙම ප්රතිපාදන දෙමළ ඩයස්පෝරාවෙන් ලැබෙන බව වාර්තා වේ.
“අතුරුදහන් වුවන්ට සිදු වුයේ කුමක්ද? දෙමළ ජනතාවගේ අයිතිවාසිකම් ලබා දෙනු. යන ඉල්ලීම් කිහිපයක් මුල්කරගනිමින් ඊයේ (03) මෙම විරෝධතා පෙළපාළිය පොතුවිල නගරයෙන් ආරම්භ විය.
අනිද්දා (06) එය යාපනයෙන් අවසන් කිරීමට සැලසුම් කර තිබේ. විරෝධතා ව්යාපාරයට ද්රවිඩ සන්ධානයේ පාර්ලිමේන්තු මන්ත්රීවරුන් වන සූමන්තිරන්, රාසමානික්කන් ෂානක්කියන් , ගෝවින්දන් කරුණාකරම්, ගජෙන්දන් කුමාර් පොන්නම්බලම් සහ හිටපු පාර්ලිමේන්තු මන්ත්රී සීන්න තම්බි යෝගේෂ්වරන් යන මන්ත්රීවරු ඇතුළු දේශපාලකයින් පිරිසක් ආරම්භයේ දී සහභාගී වී සිටියහ.
ආරම්භක අවස්ථාවේ හැර අධිකරණ නියෝග ලබා ගත් කිසිම ප්රදේශය දී සුමන්තිරන් මන්ත්රීවරයා නොසිටි අතර ඔහු අද දවසේ අධිකරණ නියෝගයක් නොතිබුණු එරාවුර් ප්රදේශයේ දී දක්නට ලැබිණි.
මේ අතර අධිකරණ නියෝගවලට පිටුපෑම සම්බන්ධව පොලිසිය විසින් අධිකරණයට කරුණු වාර්තා කර තිබේ.
පොතුවිල පොලිසිය සහ තිරික්කෝවිල් පොලිසිය විසින් ඊයේම (03) අධිකරණ නියෝගවලට පිටු පා පෙළපාලියකින් ගමන් කිරීම සම්බන්ධව අධිකරණයට කරුණු වාර්තා කර තිබිණි. අද අධිකරණ නියෝග කඩවූ ප්රදේශළුල අනෙකුත් පොලිස් ස්ථාන හෙට (05) දින අධිකරණයට කරුණු වාර්තා කිරීමට සූදානම් ව ඇතැයි වාර්තා වේ.
නිදහස් දිනය යෙදී තිබුණු අද (04) කාත්තන්කුඩි සහ මඩකලපු පොලිස් ස්ථාන මගින් ශබ්ද විකාශන යන්ත්ර උපයෝගී කරගනිමින් මෙම පෙළපාලිය නිරත වුවන්ට අධිකරණ නියෝග පිළිබඳ දැනුම් දීම සිදු කරනු ලැබුවද වන්නි දිස්ත්රික් ටී.එන්.ඒ පාර්ලිමේන්තු මන්ත්රී සෙල්වම් අඩෛක්කලනාදන් ගේ නායකත්වයෙන් අඛණ්ඩව පෙළපාලිය පවත්වාගෙන ගොස් තිබිණි.
මඩකලපුවේ දී දෙමළ ජනතාවගේ සහයෝගය මෙම පෙළපාළියට නොලැබුණත් කාත්තන්කුඩි හා එරාවුර් පොලිසිබල ප්රදේශවල දී මුස්ලිම් ජාතිකයෝ මේ පෙළපාළියට එක් වූහ. ඒ මළ සිරුරු ආදාහනය කිරීම සම්බන්ධව රජයේ පිළිවෙතට විරෝධය පාමිනි.
පෙළපාළිය සංවිධානය කළ පිරිසගේ අභිමතාර්ථය වී ඇත්තේ රජය මගින් දෙමළ ජනතාවගේ අයිතිවාසිකම් ලබා නොදෙන බවට ජාත්යන්තරය පෙන්වීම සඳහා අවශ්ය වීඩියෝපට සකස් කිරීම බව නැගෙනහිර ආරංචි මාර්ග සඳහන් කරයි.
පොලිසිය ඇතුළු ආරක්ෂක අංශ ඉතාමත්ම බුද්ධිමත්ව සංයමයෙන් කටයුතු කිරීමේ නිසා ඔවුන් අපේක්ෂා කළ ගැටුමක් ඇති නොවුන බවද එම ආරංචි මාර්ග පෙන්වා දෙයි.
