ජොන්ස්ටන් ප්රනාන්දුට අයත් බවට සැක කරන අංක තහඩු රහිත වාහනයක් පන්නිපිටිය ලියනගොඩ ප්රදේශයේ පිහිටි වාහන වැඩපොලක නවතා තිබියදී පොලිස් අත් අඩංගුවට ගෙන තිබේ.
1997 අංකය ඔස්සේ ජොන්ස්ටන් ප්රනාන්දුට අයත් අංක තහඩු නැති වාහනයක් ලියනගොඩ පන්නිපිටිය සම්පත් ඔටෝ ඉන්ජියරින් ආයතනයේ නවත්වා ඇති බවට ලද තොරතුරකට අනුව පොලිසිය සිදුකළ පරීක්ෂණයක දී Ford Lazer වර්ගයට අයත් අංක තහඩු නැති ලා නිල් පැහැති කාර් රථයක් සොයාගෙන ඇත.
ආයතනයේ පරිපාලනයෙන් මේ ගැන ප්රශ්න කළ විට ඔවුන් පවසා ඇත්තේ හිටපු අමාත්ය ජොන්ස්ටන් ප්රනාන්දුගේ රියදුරෙක් විසින් මෙම වාහනයේ කාර්මික දෝෂයක් ඇති බව කියා සිය ආයතනයට ගෙනත් දැමු බවය. වාහනයේ අංක තහඩු ගැන ප්රශ්න කරද්දී ආයතන කළමනාකාරිත්වය පොලිසියට පවසා තිබෙන්නේ අංක තහඩු නොතිබුණ බවත් කඩදාසි කොලයක KM-5421 ලෙස අංකයක් සටහන් කර අංක තහඩු පුවරුවේ එල්ලා තිබූ බවත්ය.
ඒ අනුව වාහනය අත් අඩංගුවට ගත් පොලිස් විමර්ශකයින් රථයේ එන්ජින් අංක සහ චැසි අංක අනුව ඉදිරි විමර්ශන කටයුතු කරගෙන යන බව පොලිසිය පවසයි. මින් පෙර නීති විරෝධී ලෙස එකලස් කළ බීඑම්ඩබ්ලියු වාහනයක් සොරකම් කරන ලද ගරාජ් අංකයක් සවිකර හිලටන් හෝටලයේ රථ ගාලේ අත්හැර ගොස් තිබිය දී සොයා ගැනීමේ සිද්ධියට අදාල නඩුවට ජොන්ස්ටන් ප්රනාන්දු බන්ධනාගාරගත වූ අතර දැන් ඔහු එළියට ඇවිත් ඉන්නේ ඇප පිටය.
