පසුගිය සති දෙක තුළ රුධිර සංචිතවල අඩුවීමක් දක්නට ලැබෙන බව රුධිර පාරවිලයන සේවය, අධ්යක්ෂ ලක්ෂ්මන් එදිරිසිංහ මාධ්යයට ප්රකාශ කර තිබිණි.
මේ තත්වය තුළ ඉදිරි සති දෙක සඳහා රුධිර සංචිත වැඩිකර ගැනීමට යම් සුවිශේෂි ක්රියාවලියකට එළඹීමට ජාතික රුධිර පාරවිලයන සේවය තීරණය කර ඇත.
රුධිර දායකයින්ට හා රුධිර කඳවුරු පවත්වන්නන්ට රුධිර සංචිත වැඩිකර ගැනීමට දායක වන ලෙස ද ලක්ෂ්මන් එදිරිසිංහ ඉල්ලීමක් කර තිබෙන අතර ඒ සඳහා රුධිර පාරවිලයනය සේවය සතුව තිබෙන රුධිර මධ්යස්ථාන 107ක දී අවස්ථාව හිමිවන බව ද ඔහු පැවසීය.
අධ්යක්ෂවරයා වැඩි දුරටත් ප්රකාශ කළේ උදෑසන 8 සිට සවස 4 දක්වා පැමිණ සෞඛ්ය රෙගුලාසිවලට අනුකූලව රුධිර දායකත්වය ලබා දිය හැකි බවය.
එමෙන්ම සෞඛ්ය රෙගුලාසි අනුකූලව රුධිර කඳවුරක් සංවිධානය කළ හැකි නම් ඒ සඳහා අවශ්ය උපදෙස් මහජන සෞඛ්ය පරීක්ෂක නිලධාරීන්ගෙන් ලබාගෙන අඩු අවදානම් කලාපවල දී එය සංවිධානය කළ හැකි බව ද අධ්යක්ෂවරයා වැඩිදුරටත් පැවසීය.
