බීබීසී –
නිදහස් දිනයට ආසන්න දින කීපයේ දි පෙර වසරවල අධික අලෙවියක් තිබූ ජාතික කොඩි අලෙවිය සීඝ්රයෙන් පහළ වැටී ඇති බව වාර්තා වේ.
මේ පිළිබඳව බීබීසී සේවය කෙටි වීඩියෝ වාර්තාවක් ඉදිරිපත් කර තිබිණි. එහිදී ඔවුන් සමග අදහස් දක්වන්නේ කොටුව දුම්රිය ස්ථානය අසල ජාතික කොඩි අලෙවි කරමින් සිටිනා තරුණ වෙළෙන්දන් කීප දෙනෙකි. මොහොමඩ් රිස්වාන් නැමැති වත්තල තරුණයෙක් කොඩි විකුණමින් සිටිය දී බීබීසී ය සමග සංවාදයට එක් වී සිටියේය.
“මේ පාර තමයි කොඩි විකුණන්න ගිහින් මිනිස්සුන්ගෙන් බැනුම් අහන්නේ… ”
“මල්ලි ජාතික කොඩි ගේන්න එපා.. කළු කොඩි ගේන්න කියල ඔක්කොම කියන්නෙ.දැන් කළු කොඩි ටිකක් අරන් ඇවිති තමයි පාර විකුණනන වෙන්නෙ. ”
මේ තරුණයා කියන්නේ කොටුවේ සිට පා ගමනින් බම්බලපිටියට ගොස් එතැනින් කොල්ලුපිටිය හරහා නැවත කොළඹ කොටුව දුම්රිය ස්ථානය ඉදිරියට පැමිණෙන මුලු දුරේදීම අලෙවි කරගත හැකිවූයේ කොඩි දෙකක් පමණක් බවය.
“කොල්ලුපිටියේ ඉඳන් බම්බලපිටියට ඇවිදලා එක කොඩියක් වික්කෙ නෑ. උදේ ඉඳන් මේ වෙනකම් කොඩි දෙකයි විකුණලා තියෙන්නෙ.” ඔහු කියන්නේ එසේය.
“මිනිස්සු ඉන්නේ පුදුම තරහකින්. මුදල දාලා බඩු අරන් ඒ මුදලවත් තාම ගත්තේ නෑ… වෙන අවුරුදුවල දවස් දෙකකට තුනකට රුපියල් තිස් දාහක් විතර හොයා ගන්නවා කොඩි විකුණලා. මේ අවුරුද්දෙ රුපියල් දාහක්වත් හොයා ගන්න බෑ.එක්කෙනෙකුගෙන් ණය අරන් බඩු ගත්තේ. ගත්ත ණයක්වත් තවම දෙන්න බෑ. ඒ හින්දා ගෙදර ගියෙත් නෑ…”
“හැම අවුරුද්දෙම කොල්ලො දහ දෙනෙක් විතර අපි එළියට බහැලා කොඩි විකුණලා පොඩි සතුටක් ලබනවා. මේ පාර එපාම උනා බිස්නස් එක. ”
රිස්වාන් කීවේය.
බීබීසී වීඩියෝව පහත දැක්වේ.
