ජ්යෙෂ්ඨ පුරවැසියන්ගේ ස්ථාවර තැන්පතු සඳහා සංශෝධිත විශේෂ පොලී යෝජනා අද සිට ක්රියාත්මකවන බව මුදල් ක්රම සම්පාදන සහ ආර්ථික සංවර්ධන අමාත්යාංශය පවසයි.
නිවේදනයක් නිකුත් කරමින් එම අමාත්යාංශය පවසන්නේ අවුරුදු 60ට වැඩි පුද්ගලයින් මේ සඳහා සුදුසුකම් ලබන බවය.
2025 අයවැය යෝජනා යටතේ ඉදිරිපත් වූ මෙම විශේෂ පොලී යෝජනා ක්රමයට කැබිනට් මණ්ඩල අනුමැතිය හිමි වී තිබිණි.
ජ්යෙෂ්ඨ පුරවැසියන්ගේ මූල්ය ස්ථාවරය සහතික කිරීම සඳහා රුපියල් මිලියනයක වසරක ස්ථාවර තැන්පතු වෙනුවෙන් වෙළෙඳපලේ පවතින පොලී අනුපාතිකයට වඩා සියයට තුනක වාර්ෂික පොලී අනුපාතයක් ලබා දීමට කටයුතු කරන බවය.
රුපියල් මිලියනයක් දක්වා මිලකට යටත්ව මෙම ස්ථාවර තැන්පතු බලපත්ර ලාභී වානිජ බැංකු 17ක (අද ජූලි 01) සිට දෙසැම්බර් 31 දක්වා කාලය තුළ ආරම්භ කළ හැකි බවත් ස්ථාවර තැන්පතුව මාස 12ක කාලයක් සඳහා වූ තැන්පතුවක් ලෙස පැවතිය යුතු බවත් රජය නිවේදනය කර ඇත.
මෙම යෝජනාව ක්රියාත්මක කිරීම සඳහා රුපියල් බිලියන 15ක් 2025 යටතේ වෙන් කර ඇත.
