ජල ගාස්තු ඉහළ නැංවීමට අදාළ ගැසට් නිවේදනය අද නිකුත් කිරීමට නියමිත බව ජාතික ජල සම්පාදන හා ජලාපවහන මණ්ඩලය (NWSDB) පවසයි.
ගැසට් පත්රයට අනුව 2022 සැප්තැම්බර් 01 වැනිදා සිට ක්රියාත්මක වන පරිදි ජල ගාස්තු ඉහළ දමන බව ජල සම්පාදන මණ්ඩලය කියයි.
ජල ගාස්තු සංශෝධනය කිරීමට අමාත්ය මණ්ඩලය විසින් අගෝස්තු මස 09 වන දින අනුමැතිය ලබා දී තිබිණි.
ජාතික ජල සම්පාදන හා ජලාපවහන මණ්ඩලයේ පුනරාවර්තන අධීක්ෂණ පිරිවැය සහ ප්රාග්ධන ණය සේවා වගකීම ආවරණය වන පරිදි ජල ගාස්තු සංශෝධනය සඳහා අවසරය ලබා ගැනීමට එම කැබිනට් පත්රිකාව ඉදිරිපත් වුනේය.
මහජනතාවට අඛණ්ඩව සහ බාධාවකින් තොරව ජල සේවා සැපයීම සඳහා ජාතික ජල සම්පාදන හා ජලාපවහන මණ්ඩලයේ මූල්ය ස්ථායීතාවය සහතික කිරීම සඳහා මෙම සංශොධනයේ අවශ්යතාවය ද එහිදී අවධාරණය විය.
ඒ අනුව ජල සම්පාදන අමාත්යවරයා ඉදිරිපත් කළ යෝජනාවට අමාත්ය මණ්ඩලයේ අනුමැතිය හිමි විය.
