පාකිස්ථානය හා ඇෆ්ගනිස්ථානය ජල කළමණාකරණය ආහාර හිඟය හා විදුලි හිඟය වැනි එක සමාන ගැටළුවලට මුහුණ දී සිටියත් ඔවුන් එකිනෙකා අවිශ්වාස කිරීම හේතුවෙන් එම ගැටළු විසඳා ගත නොහැකි යැයි ජාත්යන්තර තින්ක් ටෑන්ක් වාර්තාව පෙන්වා දෙයි.
‘කාබුල් ගංඟාව’ දෙරටටම අයත් වෙන අතර එමඟින් ජල ගැටළුව විසදා ගැනීමටත් ජල විදුලිය නිපදවා ගැනීමටත් හැකියාව ඇත. කාබුල් ගඟ හරහා ඇෆ්ගනිස්ථාන සීමාවේදී වේල්ලක් ඉදිකර දෙරටේ වාර්ෂික විදුලි හිඟය පියවා ගත හැකි නමුත් දෙපිරිස එකිනෙකාව විශ්වාස නොකරන නිසා එම ව්යාපෘතින් ක්රියාත්මක කළ නොහැකි තත්ත්වයක් ඇතැයි එම වාර්තාව පෙන්වා දෙයි.
ලෝක බැංකුව විසින් කාබුල් ගංඟාවේ ව්යාපෘති සඳහා අරමදුල් සපයනු ලැබුව ද සම ගංඟා රාජ්යයක අවශ්යතාවයට හානි කිරීමට ඔවුන් කිසිවෙකුට ඉඩ ලබා නොදේ. මේ හේතුව නිසා දෙරට සිය සම්පත් හුවමාරු කර ගනිමින් සාමකාමීව කටයුතු කිරීමට කැමැත්තේ නම් සිය ගැටලුවලින් මිදීම ඔවුන්ට පහසු වෙනු ඇත.
දෙරට ඇතර ඇති තවත් ගැටලුවක් වන්නේ යටත් විජිත සමයේදී දේශ සීමා වෙන් කිරීමට යොදා ගත් ‘ඩුරන්ඩ්’ රේඛාවයි. එම රේඛාවෙන් වෙන්ව ඇති සීමාව තවමත් නොවිසඳුණු ගැටළුවකි. තලේබාන්වරු ඇෆ්ගනිස්ථානයේ පාලනය ලබා ගත් පසු මෙම සීමාව පිළිගැනීම ප්රතික්ෂේප කර තිබිණි. ඒ අතර පාකිස්ථානය මෙම මායිම බලාත්මක කිරීම සම්බන්ධයෙන් දැඩි තීරණයක සිටින අතර එම සීමාවේ සම්පූර්ණයෙන් වැටක් නිමවා තිබෙන්නේ එය නීතිවිරෝධී සංක්රමණ, ත්රස්තවාදය හා මත්ද්රව්ය ප්රවාහනය වැළැක්වීමට වැදගත් බව හුවා දක්වමිනි.