ශ්රී ජයවර්ධනපුර ශික්ෂණ රෝහලේ ශල්යාගාරයක සුළු සේවක කාර්ය මණ්ඩලයේ සාමාජිකයන් හත් දෙනකු කොවිඩ් ආසාදිත බවට තහවුරු ව තිබියදීත් නිසි සෞඛ්ය ක්රමවේද අනුගමනය නොකොට ශල්යාගාර ක්රියාත්මක වන බවත් මෙම ශල්යාගාරවල සේවය කරන වෛද්යවරුන්ට පී.සීආර් පරීක්ෂණ සිදු කිරීම සඳහා තහනමක් පනවා ඇති බවත් රෝහල් ආරංචි මාර්ග සඳහන් කරයි.
ආසාදිත වූ සේවකයන් මුල් වරට පසුගිය ඉරිදා වාර්තා වූ අතර එයින් පසුව සඳුදා සිට යළි ශල්යාගාර ක්රියාත්මක කිරීමට රෝහල් කළමනාකරණය ක්රියා කර ඇත්තේ නිසි සෞඛ්යාරක්ෂිත උපදෙස් අනුමනය නොකරමින් බව සඳහන් වෙයි.
මේ සම්බන්ධයෙන් සඳුදා පෙරවරුවේ සාකච්ඡාවක් පවත්වා ඇති අතර එහිදී ඇතැම් වෛද්යවරුන් ශල්යාගාරය තාවකාලිකව වසා දැමිය යුතු බවට ප්රකාශ කළද තීරණය වී ඇත්තේ ශල්යාගාරය හදිසි සැත්කම් සඳහා පමණක් භාවිත කළ යුතු බවය.
කෙසේ වුවද හෙද කාර්ය මණ්ඩලය මේ සම්බන්ධයෙන් විරෝධය පළ කොට ඇතත් වෛද්යවරුන්ට රාජකාරී සිදු කරන ලෙසට බලපෑම් කර ඇති බව සඳහන් වෙයි. එහිදී වෛද්යවරුන්ට තම ප්රධානියාගේ අවසරයකින් තොරව පීසීආර් පරීක්ෂණවලට නොවන ලෙසටද අවවාද කර ඇති බව වාර්තා වෙයි.
එහිදී එක් නිර්වින්දන විශේෂඥ වෛද්යවරයෙක් ආසාදන පාලන අංශය පීසීආර් පරීක්ෂණ සිදු කරන ලෙස නියම කළද තම අවසරයකකින් තොරව පරීක්සණ සිදු නොකරන්නැයි වෛද්යවරුන්ට නියෝග කොට ඇත.
මෙම තත්ත්වය මත වෛද්යවරුන් ට සැත්කම් එහිදී ඒ අනුව වෛද්ය සහ හෙද කාර්ය මණ්ඩලය දැඩි අවදානමක් මැද සැත්කම් සඳහා අද ද සහභාගී වී ඇති අතර හෙට සිට ශලයාගාර සාමාන්ය පරිදිම ක්රියාත්මක වනු ඇති බව රෝහල් ආරංචි මාර්ග තවදුරටත් සඳහන් කළේය. ආසාදනය වූ සෞඛ්ය සේවකයන් හැරුණු කොට ඔවුන් සමග සිටි කිසිදු අයෙකුට ස්වයං නිරෝධායනය වීමට ඉඩ ලබා දී නොමැති බවද රෝහනල් ආරංචි මාර්ග සඳහන් කරයි.
