ජනාධිපති පොදු සමාව යටතේ ජනාධිපතිවරයාගෙන් අනුමැතිය නොලද එක් සිකරුවෙක් නොව, සිරකරුවන් කීප දෙනෙක් පිළිබඳ තොරතුරු අනාවරණය වෙමින් ඇතැයි පොලිස් මාධ්ය ප්රකාශක කාර්යාලය නිවේදනය කරයි.
බන්ධනාගාරය විසින් අනීතික ලෙස සමාව ලබා දුන් සැකකරුවන් සම්බන්ධව ජනාධිපති ලේකම් කාර්යාලය මගින් සිදුකළ පැමිණිල්ලකටට අදාලව සිදුකරන විමර්ශන සම්බන්ධව තොරතුරු මාධ්යයට හෙළි කරමින් පොලිස් මාධ්ය ප්රකාශක කාර්යාලය මෙම නිවේදනය නිකුත් කර තිබේ.
අපරාධ පරීක්ෂණ දෙපාර්තමේන්තුව ආරම්භ කර ඇති පුළුල් විමර්ශනයේ දී හෙළිවන කරුණු අනුව මීට ප්රථම ද ජනාධිපති පොදු සමාව යටතේ ජනාධිපතිවරයා විසින් අනුමත නොකළ සිරකරුවන් නිදහස් කර ඇති බවට ද තොරතුරු අනාවරණය වන්නේ යැයි පොලිසිය පවසයි.
අනීතික ලෙස ජනාධිපති පොදු සමාව යටතේ නිදහස් කරන ලද සිරකරුවන් සම්බන්ධ අදාල බන්ධනාගාර නිලධාරීන් ඇතුළු ඊට සම්බන්ධිත සියලුම නිලධාරීන්ට එරෙහිව විමර්ශනයක් අපරාධ පරීක්ෂණ දෙපාර්තමේන්තුව විසින් සිදු කරමින් ඇති බවත් . මේ වනවිට බන්ධනාගාර කොමසාරිස් ජනරාල්වරයා දීර්ඝ ලෙස ප්රශ්නකර ප්රකාශ සටහන් කරගෙන ඇති බවත්, පොලිසිය ප්රකාශ කරයි.
තවදුරටත් ලේඛණ පරීක්ෂා කරමින් ඔහු ප්රශ්න කිරීමට නියමිත බවත් ද අදාල නිවේදනයේ දැක්වේ.
