ලලිත් චාමින්ද –
ජනාධිපතිතුමා, අගමැතිතුමිය, ඇමතිවරු, නියෝජ්ය ඇමතිවරු හා ජාතික ජන බලවේගයේ මන්ත්රිවරු 159 දෙනාම වැටුප් නොලබන බවත්, සිය වැටුප පොදු අරමුදලකට බැර කරන බවත් ධීවර ජලජ හා සාගර සම්පත් නියෝජ්ය අමත්ය රත්න ගමගේ පවසයි.
නියෝජ්ය ඇමතිවරයාට ආශිර්වාද කිරිම සදහා අක්මිමන, අන්දායම්ගොඩැල්ල ශ්රි ඛෙත්තාරාම විහාරස්ථානයේ පැවති ආශිර්වාද කිරිමේ පිංකමට එක්වෙමින් හෙතෙම මේ බව සදහන් කළේය.
නියෝජ්ය ඇමතිවරයා මෙසේද කිවේය. “එදා ප්රතිපත්තියම තමයි අපි අනුගමනය කරන්නේ. අපි 159 දෙනාම වැටුප ගන්නේ නැහැ. අපේ මැති ඇමතිවරුන්ගේ වැටුප පොදු අරමුදලකට බැර කරණවා. ඒම පොදු අරමුදලෙන් අපේ මූලික වියදම කළමනාකරණය කරනවා වගේම ජනතාවට යමක් කිරිමට තියෙනවානම් එකත් අපි කරණවා. ඇමතිවරුන්ට හා නියෝජ්ය ඇමතිවරුන්ට වරප්රසාද නැහැ. ජනතාවට බරක් නෙවෙන්න ඔවුන් වැඩකළ යුතුයි.”
“අපිට පැවරිලා තියෙන්නේ භාරදුර වගකිමක්. ජනතාව තමයි බලය දිලා තියෙන්නේ. මේක කරන්න බැරිවුනොත් යවන්නෙත් ජනතාව තමයි.එක දේශපාලනඥයින් මතක තියාගන්න ඕන. පත්වුනා වගේම තමයි හරියට නොකළහොත් යවන්නෙත් ජනතාවයි.”
“අපිට වගකිමක් පැවරිලා තියෙනවා. ඒ වගකිමට අනුව කටයුතු කරන්න ඕන. මගේ අමාත්යංශයේ ඇමතිතුමා ඩබල් කැබ්රථයක් තමයි පාවිච්චිකරන්නේ. අපේ වගකිම ජනතාවට සේවය කිරිමයි. නැතිව සැපක් ගන්න නෙවෙයි.”
“පසුගිය කාලයේ ජනාධිපතිවරයකු දිවුරුම්දෙන විට භාණ්ඩාගාරය විසින් මිලියන 200ක් විතර වියදම් කරණවා. අනුර කුමාරදිසානායක සහෝදරයා දිවුරුම් දිමේ දි ආගමික චාරිත්ර වාරිත්ර විතරයි සිදුකළේ. නාස්තිය දුෂණය වංචාව නැතිකරන්න ඕන.”
“එමෙන්ම රිදුණු සිත් සුවපත් කරන්න. වැටුණු සිත් එක්සත් කරන්න ඕන. ජනතාව තුළ ආකල්පමය වෙනසක් කරන්න පුළුවන්. ” නියෝජ්ය ඇමතිවරයා වැඩිදුරටත් සදහන් කළේය
