සිය රාජ්ය බලය යොදා ගනිමින් තමන්ගේ අපේක්ෂකත්වය ප්රවර්ධනයට රාජ්ය බලය අවභාවිතා කරන ජනාධිපතිවරයා සම්බන්ධවත්, නීතියේ ආධිපත්ය ගිලිහී යන ආකාරය පිළිබඳවත් අද පාර්ලිමේන්තුවේ දි කතා කළ චන්දිම වීරක්කොඩි ගේ කතාව අග විනිසුරුවරයා වෙත යොමු කිරීමට කටයුතු කරන බව අධිකරණ ඇමති විජයදාස රාජපක්ෂ අද (23) පාර්ලිමේන්තුවේ දී පැවසුවේය.
මේ වනවිට විශේෂිත නඩු ඇති වී තිබෙන බවත්, පක්ෂයෙන් නෙරපීම සම්බන්ධව හරින් ප්රනාන්දු ගේ සහ මනුෂ නානායක්කාර ගේ නඩු අතාර්කිකව කල් යන්නේ කෙසේදැයි රටට ප්රශ්නයක් බවත් පැවසූ මන්ත්රීවරයා මිනිස්සුන්ට අධිකරණ ක්රියාවලි හරහා යුක්තිය ඉටුවන බව පෙනෙන්නට තිබිය යුතු බව ද අවධාරණය කළේය.
මන්ත්රීවරයා මෙසේ ද පැවසුවේය.
මේ මොහොතේ මැතිවරණ නීති උල්ලංඝණය කිරීම නිකම් කජු කනවා වගේ. දැන් අලුත්ම දේ තමයි මැතිවරණ නීතිය උල්ලංඝනය කිරීම පිලිබඳව පැමිණිලි කළාම ඒ මැතිවරණ නීතිය පිළිබඳව මැතිවරණ කොමිසම නියෝගයක් දුන්නම ඒ නියෝගය ක්රියාත්මක කරන්නෙ නැතිව ආණ්ඩුකාරයෝ, සභාපතිලා ඒක යවනවා නීතිපතිවරයාට. නීතිපතිවරයාට යවන්නෙ ඇයි?. විසඳුම එන්න ටික කාලයක් යනවා.
ඒ කාලයෙත් උල්ලංඝණය කරනවා. අද ගාල්ලේ ස්වාමීන්වහන්සේලා එකතු කරනවා බස්වල දාලා කොළඹට ගේන්න… මොකට ද මුදල් ආධාර දෙන්න. හාමුදුරවරුන්ටත් අගෞරව වෙන විදිහට මේ කටයුතු වෙන්නේ.
මේ වනවිට රට ගිහින් ආපු කට්ටියට රුපියල් පනස් දාහක් දෙනවා. සමෘද්ධි නිලධාරින් දාලා සමෘද්ධියෙන් එකතු කරනවා… ජනාධිපති අපේක්ෂක රනිල් වික්රමසිංහ මේ සතියෙ ගාලු එනවා . එයා හරහා සහතික දෙන්න. බස්වලින් කට්ටිය ගේනවා. රට ගිහින් ඉන්න පවුල්වලට රුපියල් විසි පන්දාහක් දෙන්න යනවා. හිටපු ගමන් කාන්තාවො සවිබල ගැන්වීමේ වැඩසටහන් මතුවෙනවා. මේවා අමාත්යාංශවල වැඩපිළිවෙළේ නෑ.
මොන පොතේ හැදුවත් මොන සංශෝධනය ගෙනාවත් අද හැම තැනම කරන්නේ නීතිය නවන්න හදන එක. වර්තමාන ජනාධිපතිවරයාත් උසාවි නොගියත් නීතිඥවරයෙක්. එතුමාට හොදට තේරෙනවා මේ කරන අකටයුත්ත.
මේ ආකාරයට නීතිය අවභාවිතා කරලා මැතිවරණ නීතිය දිගින් දිගටම උල්ලංඝනය කරලා, තමන් අපේක්ෂකයා බව දැන දැන රාජ්ය සම්පත් උපයෝගී කරගෙන තමන්ගේ අපේක්ෂකත්වය ප්රවර්ධනය කිරීමට එරෙහිව පාරට බහින්න කාලය එළඹිලා තියනවා.
කතාව අවසානයේ අධිකරණ ඇමතිවරයා නැගිට මෙසේ කීවේය.
“ඔබතුමාගේ කතාව අගවිනිසුරුතුමාට යොමු රකන්නම් අවධානය යොමු කරන්න කියලා. “
