කොළඹ නගරයේ විශේෂ මර්මස්ථානයන් කිහිපයක් අධි ආරක්ෂිත කලාප ලෙස නම් කරමින් ජනාධිපති රනිල් වික්රමසිංහ ආරක්ෂක අමාත්යවරයා වශයෙන් නිකුත් කළ ගැසට් පත්රය බල රහිත කිරීම සඳහා අවශ්ය කටයුතු සොයාබලන ලෙස ජනාධිපති රනිල් වික්රමසිංහ නීතිපතිවරයා වෙත උපදෙස් දී ඇතැයි වාර්තා වේ.
මහජන ආරක්ෂක අමාත්යංශයේ ඉහළ පෙලේ නිලධාරීන් පිරිසක් විසින් ඉදිරිපත් කළ කරුණු හා නිර්දේශයන් මත ජනාධිපති රනිල් වික්රමසිංහ විසින් පසුගියදා මෙම ගැසට් පත්රය නිකුත් කළේය.
නමුත් මෙම ගැසට් පත්රය හේතුවෙන් කොළඹ නගරයේ කේන්ද්රීය ආර්ථික කලාපය තුළ ව්යාපාර ක්රියාකාරකම් සඳහා දැඩි බලපෑමක් එල්ල වනු ඇති බවට ආර්ථික විශේෂඥයින් කණ්ඩායමක් විසින් ජනාධිපති රනිල් වික්රමසිංහට දීර්ඝ කරුණු දැක්වීමක් සිදුකර තිබේ.
ඒ අනුව මෙම අධිආරක්ෂිත කලාප ඉවත් කොට ඒ වෙනුවට බුද්ධි අංශ සම්බන්ධිකරණය කරගනිමින් විශේෂ ආරක්ෂක වැඩපිළිවෙලක් සකස් කරන ලෙස ජනාධිපතිවරයා මහජන ආරක්ෂක අමාත්යාංශය ප්රමුඛ අදාළ අංශ වෙත උපදෙස් ලබාදී තිබේ.
කෙසේ වෙතත් මෙම ගැසට් නිවේදනය අවලංගු කිරීමට නම් ජනාධිපතිවරයාගේ අත්සනම යෙදිය යුතු බැවින් ජපාන සංචාරය අවසන් වී ජනාධිපතිවරයා මෙරටට පැමිණීමෙන් අනතුරුව මෙය සිදුකිරීමට නියමිත බව විශ්වසනීය ආරංචි මාර්ග තහවුරු කරයි.