ජනාධිපති රනිල් වික්රමසිංහ සහ මෙරට සංචාරයක නිරත ඉන්දීය මුදල් අමාත්ය නිර්මලා සීතාරාමන් ඇතුළු ඉන්දීය දූත පිරිස කොළඹ ජනාධිපති මන්දිරයේ දි අද රාත්රියේ හමුවී තිබේ.
ඉන්දීය මුදල් අමාත්ය නිර්මලා සීතාරාමන්, ශ්රී ලංකාවේ ඉන්දීය මහ කොමසාරිස් ගෝපාල් බග්ලේ සහ ඉන්දීය දූත පිරිස ද්විපාර්ශ්වික සාකච්ඡා සඳහා හමුවූ බව ජනාධිපති මාධ්ය අංශය වාර්තා කළේය.
මුදල් අමාත්ය නිර්මලා සීතාරාමන් සමඟ පැවති ද්විපාර්ශ්වික සාකච්ඡාවේදී, ඉන්දියාව සහ ශ්රී ලංකාව අතර බෞද්ධ සබඳතා ප්රවර්ධනය සඳහා ඉන්දීය රජය විසින් අධාර වශයෙන් ලබා දෙන ඩොලර් මිලියන 15 ක ප්රදාන යටතේ ව්යාපෘති ක්රියාත්මක කිරීම සඳහා අවබෝධතා ගිවිසුමට අදාල ද්විපාර්ශ්වික ලේඛන හුවමාරු කරගෙන ඇත.
එමෙන්ම ලංකාව පුරා ආගමික ස්ථාන සූර්ය විදුලියෙන් බලගැන්වීම සම්බන්ධ ඇමරිකානු ඩොලර් මිලියන 10 ක ප්රදානයක් සම්බන්ධ අවබෝධතා ගිවිසුමක් සම්බන්ධ ලේඛන ද හුවමාරු කරගෙන ඇත.
