චීන පොහොර නැවට වන්දි ගෙවිය යුත්තේ ජනතාවගේ මුදලින් නොව, මේ ගැටලු සහගත ගනුදෙණුව සිදුකළ පුද්ගලයින්ගේ පුද්ගලික මුදලින් බවත් මේ සම්බන්ධව තමන් ජනාධිපතිවරයාගෙන් විශේෂ ඉල්ලීමක් කිරීමට සුදානම් බවත් පරිසර ඇමති මහින්ද අමරවීර පවසයි.
මාධ්ය අමතා ඔහු ප්රකාශ කරන්නේ චීන පොහොර නැවේ ගනුදෙණුව පමණක් නොව, නයිට්රිජන් නැනෝ පොහොර, ඇතුළු සියලුම පොහොර වංචාවන් පිළිබඳ නැගෙන චෝදනා සම්බන්ධව සොයා බැලීමට පූර්ණ බලතල සහිත ජනාධිපති කොමිසමක් පත් කළ යතු බවය.
“ආණ්ඩුවේ හෝ කැබිනට් මණ්ඩලයේ සිටියා කියලා කතා නොකර ඉන්න බෑ… චීන පොහොර නැවට වන්දියක් ගෙවනවා නම් අනිවාර්යයෙන්ම ඒ ගෙවීම කළ යුත්තේ මේක ගෙන්වපු අයගෙ පෞද්ගලික මුදලින්. අපි එකඟ නෑ රජයේ මුදලින් ඒ කියන්නෙ ජනතාවගේ මුදලින් මේ වන්දිය ගෙවනවට.“
“මා ජනාධිපතිතුමාටත් මේ ගැන යෝජනාවක් කරන්න බලාපොරොත්තු වෙනවා. මේ සම්බන්ධව කළ යුතු හොඳම දේ තමයි මේ පොහොර ගනුදෙනුවේ වංචා හා දූෂණ සම්බන්ධව පූර්ණ බලතල සහිත ජනාධිපති කොමිසමක් පත් කිරීම.“
“මේ චීන පොහොර ගැන සොයා බැලිය යුතු වෙනවා. නැනෝ පොහොර ගැන ප්රශ්න ගණනාවක් මතු වී තිබෙනවා. ඒ සිදුවීම් සියල්ල පිළිබඳව කටයුතු කළ හැකි කොමිසමක් පත් කරලා වැරදි කාරයො ඉන්නවා නම් වැරදිකාරයන්ට දඬුවම් ලබා දීමේ ක්රමවේදයක් සකස් කිරීමේ අවශ්යතාවයක් තියනවා.
