ශ්රි ලංකාවට ඇමෙරිකානු ඩොලර් බිලියන 2.5ක මූල්ය සහනයක් ලබා දීම කෙරෙහි සලකා බලමින් සිටින බව ශ්රි ලංකාවේ චීන තානාපතිවරයා පවසයි.
ඔහුට අනුව ශ්රී ලංකාව මේ වනවිට මෙම මූල්ය සහනය චීනයෙන් ඉල්ලා ඇති අතර ඩොලර් බිලියන එකක ණයක් සහ බිලියන 1.5ක ණය යෝජනා ක්රමයක් ලංකාව අපේක්ෂා කර ඇත.
චීන තානාපති කුයි සෙන්හොන් සඳහන් කර ඇත්තේ මෙම ණය සහනය පසුගිය වසරේ ලබා දුන් ඩොලර් බිලියන 1.5ක ස්වොප් (මූල්ය හුවමාරු) ණය පහසුකමට අමතර එකක් බවය.
එම ණය පහසුකමත් සමඟ චීනය 2020 වසරේ සිට මෙතෙක් ලබා දී ඇති ණය සහනය ඇමෙරිකානු ඩොලෙර් බිලියන 2.8ක් වන බව ඔහු තවදුරටත් සඳහන් කර ඇත.
කෙසේ වුවද මෙම වසරේ මාර්තු මස 18 වනිදා සිට 21 වැනිදා දක්වා කාලය තුළ චීනයෙන් ලබා ගත් ණය තුනක් ආපසු පියවීම සඳහා ඩොලර් මිලියන 459. 5ක් ගෙවා තිබේ. චයිනා ඩිපලොවප්මන්ට් බැංකුවට ඩොලර් මිලියන 53.5ක් ද චීන ජාතික ජල සම්පාදන මණ්ඩලයට ඩොලර් මිලියන 17ක් ද, තවත් ඩොලර මිලියන 389ක් චයිනා එක්සිම් බැංකුවට ද මෙසේ ගෙවා ඇත.
චීන තානාපතිවරයා මේ පිළිබඳව මාධ්යයට පවසා ඇත්තේ ණය ලබා දුන් චීන ආයතනවලට අනුව ශ්රි ලංකාව මෙම ණය මුදල් ආපසු නියමිත පරිදි පසුගිය සතියේ ගෙවා දමා ඇති බවය.
