චීන රජය විසින් මීට පෙර එරට තුල පවත්වාගෙන ගිය ශුන්ය-කොවිඩ් ප්රතිපත්තියට එරෙහිව සිය විරෝධය පළකළ විරෝධතාකරුවන් පොලිස් අත්අඩංගුවේ දී දැඩි නිරීක්ෂණ පියවරයන්ට සහ ආක්රමණශීලී ප්රශ්න කිරීම්වලට ලක් වූ බව වොෂින්ටන් පෝස්ට් හි කේට් කැඩෙල් සහ ක්රිස්ටියන් ෂෙපර්ඩ් වාර්තා කරයි.
විරෝධතා හේතුවෙන් චීනය සිය ශූනය කොවිඩ් ප්රතිපත්තිය අවලංගු කළද, විරෝධතාවලට සහභාගී වූ පුද්ගලයින් පසුපස යාමට චීනය නවීන තාක්ෂණයෙන් සන්නද්ධ සිය පොලිසිය මුදා හැරියේය. විරෝධතාවලට සහභාගී වූ විශාල පිරිසක් දැඩි පීඩාවකට පත්ව ඇත.
බීජිං සහ ෂැංහයි හි ඇතැම් විරෝධතාකරුවන් සඳහන් කර ඇත්තේ විරෝධතාවලට සහභාගී වීම හේතුවෙන් චීන පොලිසිය විසින් කරන ලද මෙම ප්රශ්න කිරීම් වලදී ඔවුන්ට ගේ ඩිජිටල් ක්රියාකාරකම් පරීක්ෂාවට ලක් කීරීම මෙන්ම තමන්ව නිරුවත් කළ පරීක්ෂාවන්ට ලක් කළ බවත් සිය පවුලේ සමාජිකයින්ට දැඩි තර්ජන එල්ල කළ බවද අගතියට පත් විරෝධතාකරුවන් සඳහන් කර තිබේ.
චීන පොලිසිය විසින් විරෝධතාකරුවන් නිසි ලෙස හඳුනා ගැනීමට කටයුතු කරන ලද්දේ කෙසේ දැයි පැහැදිනි නොමැති බවට වාර්තාවේ. කෙසේ වෙතත් වොෂින්ඩන් පෝස්ට් වාර්තා කරන අන්දමනට එම පුවත්පත් විසින් ඒ සඳහා න්යායක් ගොඩ නගා තිබේ.
ඒහිදී වොෂින්ටන් පුවත්පත පෙන්වා දෙන්නේ චීන පොලිසය විසින් ජංගම දුරකථන ක්රියාත්මක වන සංඥා කුළුනු භාවිතා කර ඒහිදී ලබාගත් දත්ත මත පදනම්ව මෙම අත් අඩංගුවට ගැනීම් සිදුකර ඇති බවයි. කෙසේවෙතත් මෙම කාරණය ප්රයෝගිකව තහවුරු කරගැනීමට ඉතා අපහසුය.
“පෙලිසිය විසින් නවීන තාක්ෂණය, ජාල තාක්ෂණය භාවිතා කර ඇති බව පෙනේ, ඔවුන් සිද්ධියට සම්බන්ධ සියලුම පුද්ගලයින්ගේ දුරකථන අංකවල දත්ත සංචිතයක් එකතු කර ඇත,” යනුනේ අදාල නීතිම කටයුතු පිළිබඳ සෘජු දැනුමක් ඇති නීතිඥයෙකු උපුටා දක්වමින් වොෂින්ටන් පෝස්ට් වාර්තා කර ඇත.
එම වාර්තාවේම වොෂින්ටන් පෝස්ට් කියා සිටින්නේ බීජිං හි විරෝධතා ආරම්භ වීමට මාසයකට පෙර, නගරයේ මහජන ආරක්ෂක අමාත්යාංශය විසින් මානව විශ්ලේෂකයින් සහ ස්වයංක්රීය පරීක්ෂණ මෙවලම් ඒකාබද්ධ කරමින් පැය 24 පුරාවට දත්ත නිරීක්ෂණ ව්යාපෘතියක් සඳහා ප්රසම්පාදනයක් නිකුත් කළ බවයි..
කෙසේ වෙතත් මේවන විට චීන රජය විසින් තමන්ට එරෙහිව නැගුනු විරෝධය ක්රමානුකූලව පාලනය කිරීමට සමත්ව තිබීමට විශේෂත්වයකි.
