මහජන ආරක්ෂාව පිළිබඳ ඇමති රියර් අද්මිරාල් ( විශ්රාමික) ආචාර්ය සරත් වීරසේකරගේ පුත් ශ්රී ලංකා පොලිස් සේවයේ වෛද්යවරයෙක් වූ සචිත්ර අදීෂ වීරසේකර සිය මුහුණුපොතේ සටහනක් තබමින් ගල් වලට සහ අසූචි වලට අපහාස කළ අය හෙළා දකිමු ලෙස සටහනක් පල කර තිබේ.
මහජන ආරක්ෂාව පිළිබඳ ඇමතිගේ පුත්රයා මේ සටහන තබන්නේ අද අලුයම පිළියන්දල පිහිටි චමුදිත සමරවික්රමගේ නිවසට ගල් ප්රහාරයක් සහ අසූචි ප්රහාරයක් එල්ල වීම මේ රටේම කතා බහට ලක් වී තිබුණු අවස්ථාවක දීය.
මෙම ප්රහාරය මේ සිවිල් සංවිධාන, දේශපාලන පක්ෂ, මෙන්ම කාදිනල් තුමාද නිර්දය ලෙස හෙළා දැක තිබිණි. එසේ හෙලා දකින්නට ප්රධානම හේතුවක් වී තිබුණේ චමුදිත සමරවික්රම මේ ප්රහාරයට ලක් වන්නේ පුද්ගලික හේතුවක් නිසා නොව මාධ්යවේදියෙක් ලෙස සිය වෘත්තිය සිදුකිරීම නිසා වීමය.
කෙසේ වෙතත් පසුගිය වකවානුවේ ඔහුගේ නිර්දය විවේචනයට ලක් වූ දේශපාලකයන් අතර රියර් අද්මිරාල් ආචාර්ය සරත් වීරසේකරත්, ඔහුගේ පුත් සචිත්ර වීරසේකරත් විය. ඒ සිදුවීම පියුමි හංසමාලි සහ චන්දිමාල් ජයසිංහ ඇතුළු පිරිස නිරෝධායනයට ලක් කිරීමේ දී ඊට මැදිහත් වෙමින් ඇඳුම් පැළඳුම් සැපයීමේ සිද්ධියක් මුල් කරගෙනය.
කෙසේ වෙතත් මේ වනවිට ඇමති පුත්රයා මෙම ප්රකාශය සිය ෆේස් බුක් ගිනුමෙන් ඉවත් කරගෙන ඇත.
